Mbeeñil 16:9 - NQAARIIT NE ROOG

⁹ A sumaan a ƭomu a doxa wiin we. A ndefata no mbenaa gon le Roog fee jegna sañ-sañ, too a pokoox taamaala keene. A mbañ’a o mbes pakaad den a cinj, a mbañ o ƥoxot a Roog o ndam.

Mbeeñil 16:9 Referans Kwoze

Mbeeñil 16:21

Maaga, a kalam a ƥuuɓu kaa andoona yee o meɗel den a fi’’a ngap kilo qarɓeen nahik, a yentiidooga na asamaan, a ndalaa took no wiin we. Weene a ndefata no mbenaa a Roog, yaam taamaala fee a teƥ aleene a fi’oogna. Taamaala feene koy, a ɗom’a lool.

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.

YEGIL MBAAX NE YEESU ne Lik a bindtuuna 13:5

Ha’aa, mexe layan a nuun. Nu suptangee o ñoowooƭ, xan nu saŋkoox nuun fop nen a den.»

YEGIL MBAAX NE YEESU ne Lik a bindtuuna 13:3

Ha’aa, mexe layan a nuun. Kaa koy, boo nu supteerna o ñoowooƭ, xan nu saŋkoox nuun fop nen lakas we.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Esayi 8:21

Xan a mbidaa saax le fo xij fo nqeex. Xan a mbuux, yaam a nqeexel, a saloox o maad den fa Roog den. Xan a ngeleeroox farna fa asamaan,

Esayi 1:5

Ndi mam a xawkataa xaw a nuun, nuun we nqoxna na pañ rek. Xoox le kaañax ƥor a saqu, soo xeeñ le fop a jir.

2 Caloori ke 28:22

Ke o maad Ahas a maad’ina o refaa na naqad fop oo yaqanee ta maad o gore’aƭaraa no Yaal oxe.

2 Maad we 6:33

Ye Eliise a maadna o layaa, o maad oxe a fadiida soo a lay ee: «Sabab fene fop o Yaal oxe ɓisiidun a in! Xar waagatum o yaakaar no ten boog?»

Yosuwe 7:19

Yosuwe a laya a Akaan ee: «O ƥees, ɓoxoti o Yaal oxe Roog fee Isra’el o ndam, niwin too layaam ke fi’oona, fañaam o ɗas dara.»

Yeremi 13:6

Cinj a pe a mayu, o Yaal oxe a layaxam ee: «Inooxi ret Ofrat, xotik o kumnoor ole hebil’oonga o ɗasnin maaga.»