Mbeeñil 16:3 - NQAARIIT NE ROOG

³ Malaaka fa ƭikandeer fee a ɓaxa o mbeeƭ um kam o maag ole. Foofi le a suptooxa boo a nand nen a yal. Naaga, ke ñoowoogna kam o maag ole fop a nqona.

Mbeeñil 16:3 Referans Kwoze

Mbeeñil 11:6

Yaam seede ɗik weene a njega sañ-sañ faa da mbegitna asamaan fee, ndax a teƥ jegkatee no ñaal ke da mbugko o njo’tanaxam. A njega itam sañ-sañ faa da suptitna foofi fo’oy fa sañ-sañ faa da nqawitna adna fee fop xa ƭomel xa pagkatar a mbanuu ta felna a den.

A kim a tedu ke 105:29

A supta poofi ke den fo’oy boo liƥ ke den fop a nqon.

A kim a tedu ke 78:44

A supta poofi ke no xuluɓ ole Niil fo’oy boo Miimisira we mbaag’atee o yer na ƥaaxaand ake den.

Mbeeñil 10:2

A deegoox’a o njafe nqaa weteena. A doona a caf um a ñamaak no maag ole, a caf um a canoon, ta dakin na jeeri fee.

Heseki’el 16:38

Xam hate’tong ne rew seeseeq we a ngate’teel fo we na ƥaxaa fo’oy, too xam ɓax fo’oy of kam fuux ɗomu le fo kam naal es.

Mberaand 7:22

Ke jegna o ñis fop too a haaƭoogu took lanq beeru ke a xona.

Mbeeñil 13:1

Cinj kaaga, ga’aam a Ɓaanoor a sutooraa no maag olaa. A saq’a xa can xarɓaxay fo a qoox ɓetaa ƭaq, o jan oluu refna a saq o ndip, a kon a benir a Roog a mbindel na qoox ake ten.

A pi ake 2:41

We njaɓ’ina fa lay um fop a mbatiise’e, too a koom daalbe we a ƥaatoox’a ngap wiin cuni tadik.