Mbeeñil 16:11 - NQAARIIT NE ROOG

¹¹ a mbenaa a Roog fee na asamaan yaam ne da ƭomeel, too a njeg a ƭoy. Kaa koy, yaqanee da mbañ o mbes a cinj a pi a paaxeer ake den.

Mbeeñil 16:11 Referans Kwoze

Mbeeñil 16:9

A sumaan a ƭomu a doxa wiin we. A ndefata no mbenaa gon le Roog fee jegna sañ-sañ, too a pokoox taamaala keene. A mbañ’a o mbes pakaad den a cinj, a mbañ o ƥoxot a Roog o ndam.

Mbeeñil 16:21

Maaga, a kalam a ƥuuɓu kaa andoona yee o meɗel den a fi’’a ngap kilo qarɓeen nahik, a yentiidooga na asamaan, a ndalaa took no wiin we. Weene a ndefata no mbenaa a Roog, yaam taamaala fee a teƥ aleene a fi’oogna. Taamaala feene koy, a ɗom’a lool.

Mbeeñil 16:2

Malaaka fa eetaand fee a gara, a ɓax o mbeeƭ um a lanq. Maaga, a ƭoy a paaxeer a ƭomu a ndama wiin we saq’ina o ñaas ole Ɓaanoor, too a mbaɗooxoogu nitaal ne ten.

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

A kim a tedu ke 136:26

Ngidimyo a Roog fee na asamaan, yaam o mbeq um xan a maadaa boo faw.

Esdaraas 7:23

Fat fop ke Roog fee na asamaan a heblitna a fi’tel neen no Mbind ne ten, ndax fuux le ten biltooxankee maat ne fo o maad oxe fo xa taan axe ten.

Esdaraas 6:10

ndax da ƥoxot a Roog fee na asamaan sadax kaa mbeluuna soo a nqeɗan o ñoow ole no maad oxe fo ole na xa taan um.

Esdaraas 1:2

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa.

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Nehemi 2:4

O maad oxe a laamtaxam ee: «Xar bugo bug um fi’anong?» Ndak fo ndak, xeɗaam a Roog fee na asamaan

Nehemi 1:4

Ye nanuuma fa lay feene, moofaam, loolaa soo naqadiloox boo ñaal mayu. Kaam hooroogu, xeɗaa mbaambir Roog fee na asamaan

Esdaraas 7:21

Mi o maad Artaserkesees, mexe heblaa geegeek xaaliis we no mudand ne no xuluɓ ole Ofrat fop da mbi deŋ fop ke Esdaraas fee o saasadax, too a ref itam o caajangin oxaa andna a paax kebil ke na Roog fee na asamaan a laackaa a den.

Esdaraas 7:12

«Artaserkesees, o maad oxe no maad we, na simnaa a Esdaraas fee o saasadax oxaa andna a paax kebil ke Roog fee na asamaan fo lakas fo lakas…

2 Caloori ke 36:23

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa. Oxuu fogna na xeet um na nuun, yaasam o Yaal oxe Roog um a ref fo ten, ta nomtoox Yeerusaleem.»

Yoona 1:9

Yoona a doona a den ee: «O Hebre refum, saɗar o Yaal oxe refna Roog fee na asamaan, sakna o maag ole fa jeeri fee.»

2 Caloori ke 28:22

Ke o maad Ahas a maad’ina o refaa na naqad fop oo yaqanee ta maad o gore’aƭaraa no Yaal oxe.