Mbeeñil 15:8 - NQAARIIT NE ROOG

⁸ O ndam onqe Roog fa katil fee ten a tax’a Mbind Roog ne a naag kuy fo fo suun. O leng koy waag’atee o rok kam Mbind Roog ne boo neene taamaala ɓetuu ƭik ke no malaaka ɓetuu ƭik ke a mbaafu.

Mbeeñil 15:8 Referans Kwoze

Esayi 6:4

Mbalaloor neene kaa sendnooroogu a tayil ake na xa ton-maax axe, soo Mbind Roog ne a naag kuy fo fo suun.

Mbeeñil 15:1

Cinj kaaga, ga’aam na asamaan o anddiloor o lakas o maak o jom’andtu: Malaaka ɓetuu ƭik a ndeeƭu, a saq taamaala ɓetuu ƭik. Taamaala keene mbalak’u yaam na den fuux le Roog a dayu.

2 Tesalonik 1:9

Xan a qaw den a ref a saŋkax boo faw. Xan a mbildel kaltaa a tagid no Yaal oxe, a ngoƭ o ndam onqe na katil fee ten.

A kim a tedu ke 29:9

O ñuxur ole no Yaal oxe kaa rimnooraa pat ke, a ɓooraa taxar ke no suungaan le. Fop kaa mbalalooxaa kam mbind ne ten ee: «O ndam a hela a Roog!»

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

A ƭomatax ake 3:44

Kaa o muuroox eel, boo a tax a qeƭ ake in mbaagee mbadiid me wo.

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

A sutax ale 19:18

O joong olaa Sinayi kaa suunoogu naa ta fodeena fop, yaam o Yaal oxe kaa fudoox’u taaga kam fiɗel. Fo suun olaaga kaa yoɗoortoogu nen fo suun ndoxand, too o joong olaa fop kaa sendoogu fa doole.

A paɗax ale 16:2

«Maƭooxi a Aaroon fee o maag of ee ba ta rokaa kam o Mbiñ onqe moƴna o ted a mbanuu feluuna, a xaañ mbaƴ ne fegteena o ten, a gar mbaambir o afnir-o-fortand ole refna took arka ne. A fi’angaan, xan a xon, yaa um feeñooxkaa kam eel le yoorooxna o afnir-o-fortand ole.

Mbeeñil 21:11

Teeru feene koy, o ndam onqe Roog a taxa ta meleƈaa. O mosel um kaa nandtoogu nen ɓil jafeñu hoƥu laa ne’eena yaspe, a mirmirnaa nen galam fo jem.