Mbeeñil 15:5 - NQAARIIT NE ROOG

⁵ Yaa kaaga a faafna, ga’aam na asamaan Mbind Roog ne a wetoox, me Ƭiif ne no ngiɓoor ne Roog a refna.

Mbeeñil 15:5 Referans Kwoze

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

A lim ale 1:50

Fat o doxin a den Ngenand ne singna arka ne no ngiɓoor ne, doxin a den itam ƥaxañ ke ndefna teen fop fo fop ke jegeena teen. Den na mbugko saqaa Ngenand ne fo ƥaxañ ke njegeena teen fop, a mbadnaa teen o far den soo a ndalaa me widuuna.

Mace 27:51

Na waxtu faaga, mbaƴ naa fegit’eena o mbiñ o tedu nqaa no Mbind Roog naa a naagta faceet took boo a sipoox a lanq. Lanq ke a yo’nooxa, soo a ƥil ake a qaacoox.

A lim ale 1:53

Leelewi we o mat, fat a ndal me widna Ngenand ne singna arka ne no ngiɓoor ne, a topatooxan, a mbadnaa teen o far den, ndax fuux es yenkee took Ii-isra’el we.»

A sutax ale 38:21

Keeke ndefu celem ke njalteena Ngenand ne warna o sing a alfa ke no kebil ke. Moyiis a hebil’a Leelewi we da limin, soo Itamaar fee o ƥiy Aaroon fee o saasadax o maak oxe a adooxanin.

A sutax ale 25:21

O ɓekangaa a alfa ke no kebil ke um cooxkang no arka ne boo ƴut, jangi o afnir-o-fortand ole, afnitin arka ne.

Hebre 8:5

Calel ke saasadax weene a mbadnaa, nitaal fo mbelyook no ke refna na asamaan soom a ndefu. Keene a nanda fo ke xew’ina na Moyiis. Ye Moyiis a bugna o geenin ƭiif naa, Roog a layaan ee: «Fi’i o ndang! Fat o fi fop boo ta nand fo samandaal ne lal’oonga took o joong olaa.»

Mbeeñil 13:6

A dalfooxa o xasanaa a Roog, a wenaa gon um fo ngenand um fo fop we ngenna na asamaan.