Mbeeñil 15:4 - NQAARIIT NE ROOG

⁴ O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

Mbeeñil 15:4 Referans Kwoze

A kim a tedu ke 86:9

Wo o Yaal oxe, wo saku qeet ke fop. Xan a ngar, a ngung na caf of soo a ƥoxot gon of o ndam.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

Yeremi 10:7

Ndi an saɗarkeerong, wo o maad oxe no qeet ke? Wo o mat jare o saɗar, yaam a ndeer no yaal-o-and we fop no qeet ke fo no maat den fop o leng nandee fa wo.

A kim a tedu ke 22:27

We neewandooxna xan a ñaam boo a ngiñ, we na mbaaƭaa o Yaal oxe xan a simatin. «Yaasam nu ñoowaa boo kili!»

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

Sakari 14:16

We yoqna no we songiid’ina a Yeerusaleem xan a ngaraa teen o hiid oo hiid, a mbaɗooxiid o Yaal oxe Hupna fop na bugko maadooxaa Yeerusaleem, a ndoofandaa Xew fee no ƭiif ke.

Esayi 25:3

Ten taxu xeet fa mayu katil fee a ƥoxotang o ndam, teeru ke na saax a yednu ke a saɗarong,

Esayi 45:23

Daaɓoortaanum a xoox es, too fa lay es ndigil kak oo, dara teen suptooxkee: ‹Xan wiin we fop a ngooknoox mbaambir es, o don oluu refna a weejil ee

Mbeeñil 4:8

Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»

1 Piyeer 1:16

yaam a binde yee: «Fat nu ted, yaam kaam ted.»

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Mbeeñil 16:7

Cinj kaaga, nanaam o ñuxur olaa inoorna no sadaxand ole a lay ee: «O Yaal oxe Roog fee jegna katil, kate ke wo ndigil kak oo, too a njofa.»

Mbeeñil 19:2

Kaa hate’taa ndigil fo o cofel, yaam a hate’a a caga maak ale naxtoogna adna fee ceeq.»

Esayi 26:9

O laaw es kaa diilooxang no yeng ole fop, soo yiif es itam a waaƭang kam ee kam es, yaam yaa kate of a mbadnooxkaa took lanq ke, xan we ngenna na adna fee a aqatoox o cofel.

A kim a tedu ke 89:7

O Yaal oxe, jegiro o nand meene took, too o leng no pindel ke na asamaan fodee fa wo.

O leetar ole Pool a bindna GIMU WE NGENNA ROM 15:9

Kaa fi boo waa ndefeerna Yaawuur a ƥoxot a Roog o ndam, yaam ne ta yirmitna a den. Keene ne’ooge, ye a Pind a Tedu ke a layna yee: «Ten taxu xam simatang ndeer qeet ke, xaanaa gon of.»

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Esayi 6:3

Kaa mbalalooroogu yee: «O Yaal oxe Hupna fop kaa ted! Kaa ted! Kaa ted! Lanq ke fop kaa may fo o ndam um.»

A kim a tedu ke 111:9

A watiida xeet um, a dalin ngiɓoor um boo faw. Gon um kaa ted soo a saɗarnoox.

Mbeeñil 6:10

Kaa mbalalooxoogu a maak ee: «O Yaal o tedu fo o tigil oxe, boo a mban o cungkaa ndax o hate we ngenna na adna fee, xaw a den, yaam ne da mbar’ina a in?»

Habakuk 1:12

O Yaal oxe Roog es, o Tedu xe mi, ndax refiro, yaa leng a andeerna, wo fee xonkeerna! Cey, o Yaal oxe, dalnaa Kaakalde we, ndax da mbadin kate of took in! Wo fee refna ɓil saƭku le, sutiidaa a den, ndax da nqaw a in.

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

A kim a tedu ke 105:7

Ten refu o Yaal oxe Roog in, kate um a langaamoox lanq ke fop.

A kim a tedu ke 99:9

Tagasyo o Yaal oxe Roog in, ngung farna fo joong o tedu le ten, yaam o Yaal oxe Roog in kaa ted.

A kim a tedu ke 22:3

Roog es, kaam ƴufginooxang no ñaal ne, ndaa jaaɓiraamo, no yeng ole um xeɗooxang, ndaa taxee o laaw es a dal.

1 Sami’el 2:2

O leng fodee fo o Yaal oxe o tedel. Ten doŋ refu ndaɗand in, too fa lakas jegee a refangee ten.

Esayi 60:5

Yaa o ga’kaa a den, xan o felakinoox, kam of a fel, soo xeeñ of a may muut fo o ɗaay. Kalal ke no maag ole xan a njagniid me wo, soo o jeg ole na saax ake a nqetiid me wo.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Esayi 24:15

Nuun we no batand, ƥoxotyo o Yaal oxe o ndam. Nuun we na pimb ake no maag ole, lambinyo gon le no Yaal oxe Roog fee Isra’el.»

A kim a tedu ke 99:5

Tagasyo o Yaal oxe Roog in, ngung mbaambir o dakand ole ten. O Yaal oxe kaa ted.

A kim a tedu ke 97:8

Siyoŋ xan a nanin soo a felakinoox, teeru ke Yudaa a ndef no ɗaay yaam kate ke wo, wo o Yaal oxe.

A kim a tedu ke 22:23

Xam lambnaa gon of a ndeer no fog es, simatang a ndeer o fog ole no gimu we.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Mbeeñil 16:5

Maaga, nanaam malaaka fee jegna sañ-sañ no poofi ke a lay ee: «Kaa o ted, wo fee refna oxe na maadaa fo xe reeƭna. Kaa o jof yaam ne hate’toona neene.

Mbeeñil 19:8

A ci’e maa ta rokooritna sooy yelefu. Ndoki neene koy kaa meleƈaa too a xool qac.» Sooy yelefu neene kaa ref a pi a cofu ke no we mbogna na Roog.