Mbeeñil 15:3 - NQAARIIT NE ROOG

³ Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Mbeeñil 15:3 Referans Kwoze

A kim a tedu ke 111:2

A pi ake no Yaal oxe kaa magin lool, we mbexna a den kaa ƥaalaa a den.

A kim a tedu ke 139:14

O Yaal oxe, mexe gidmang, yaam ne saktoona cer es a wega xoox. Ke o fi’aa kaa jom’andit, andaanum a qool qac.

A kim a tedu ke 145:17

O Yaal oxe kaa jof na ƭat um fop, soo a jeg o mbeq na pi um fop.

Hebre 3:5

Moyiis fa xoox um a gore’a kam mbind ne Roog fop nen o paɗ Roog oxaa gadin’eena o layanan.

Esayi 33:22

O Yaal oxe refu o Kaahate in, o ten na ɗoxaa a in. O Yaal oxe refu o Maad in, o ten na muclaa a in.

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

A kim a tedu ke 100:5

yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Mbeeñil 19:2

Kaa hate’taa ndigil fo o cofel, yaam a hate’a a caga maak ale naxtoogna adna fee ceeq.»

Mbeeñil 14:3

Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

A cangatin ale 31:30

Moyiis a laya no nof no Ii-isra’el we fop xa ƭelem axe na kim aleeke bo ta xet:

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Mbeeñil 11:17

«Wo o Yaal oxe Roog o Cegu katil oxe, in we ngidmang, wo fee refna oxe na maadaa fo xe reeƭna, yaam ne pokooxoona katil maak ne wo soo maadooxaa.

Mbeeñil 4:8

Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»

Dañel 6:20

Yaa mbeet naa a leeliidaa, o maad oxe a inooxa, a siipan maa cogoy kaa a mbegeena.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

A kim a tedu ke 145:6

Doole fa saɗarnooxu fee wo xan a laytel, soo um wetandooxaa o magnel of.

A kim a tedu ke 99:4

Wo o maad oxe fexna a ƭat, fat doole of a simatel. Wo saxnu meen a ƭat, ñaaƴnaa no mbind Yakoob a ƭat fo o cofel.

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

Sofoni 3:5

Yaag oo toox de, o Yaal oxe xey kam teeru fee den, a jof bo too fi’kee njofaƭar leng. Nqes nuu refna kaa ɗegaa hate um, too mosiran o ñak o fi. Yaqanee koy o soxodu xe naagee sedaa.

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

A kim a tedu ke 105:5

Mbetandooxyo com’andtu ke ta fi’na, mbetandoox comlaand ke ten fo kate ke ten,

A kim a tedu ke 78:12

A fi’a comlaand mbaambir daan den no saax laa Misira, na koƥ alaa Cowaan.

Ke bindeena no xe ne’eena YOB 5:9

ten fee na fi’aa tig maak kaa mbaagaandeena o naaɓ, com’andtu kaa njegeerna hap.

2 Caloori ke 24:6

Maaga, o maad oxe a xoya a Yehoyada fee o saasadax o maak oxe, a layin ee: «Xar taxu seriro Leelewi we da nqot xaaliis fee na bateer ake, Moyiis fee o tag no Yaal oxe a dalinna. A wara o xottel me no wiin we Yeerusaleem fo Yuuyudaa lakas we fo kam Isra’el fop, a ɓisiidel no Ƭiif ne saqna arka ne no ngiɓoor ne.

1 Caloori ke 6:49

Ii-isra’el we a cooxa fog den Leelewi we teeru keene fo xa kayand den.

Mbeeñil 14:8

Malaaka fa ƭikandeer a reefana fa eetaand fee, a lay ee: «Koo a jiƭtooxa, a jiƭtooxa yoo! Babilon fa maak fee yerinna qeet ke fop biiñ fee ten, refna a yaaw a paaxeer ake na seeqnooraa.»

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.

Nehemi 9:14

Andnooraa a den bes fa tedu fee na ñootnax ale wo soo na pexey Moyiis fee o tag of, o coox a den kebil of, ke dalnoona fo a cangin of.

A cangatin ale 34:5

Moyiis fee o tag no Yaal oxe a xonta no mbiñ onqeene kam saax le Mowaab, ne o Yaal oxe a layit’uuna.

A cangatin ale 32:3

Kaam yegnitaa gon le no Yaal oxe. Ƥoxotyo a Roog in o ndam!

Yosuwe 22:5

Kaa rek, fat nu ngay a paax bargal ke fo kebil ke Moyiis fee o tag no Yaal oxe a daawinna a nuun. Mbexyo o Yaal oxe Roog nuun, ndeefaa a ƭat um kili too ngay kebil ke ten. Ndamooxyo no ten, mbaɗooxin na qeeñ nuun fop fo na xa laaw nuun fop.»

Ke bindeena no xe ne’eena YOB 36:24

Ba o weec o simat a pi ake ten, o mbindeef onquu refna a xaanaa.

A kim a tedu ke 18:30

Roog es, fa wo waagaam o song a yaj no yaal ƥonax, no ndimle of waagaam o ñayoox saŋe.

A kim a tedu ke 92:5

O Yaal oxe, ke fi’oona a mayƭandaxam fo o ɗaay, um felakinooxaa no jale of.

A kim a tedu ke 111:7

Kaa gore too a jof na pi um fop, bargal um fop a ndeye o ngooloox.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»