Mbeeñil 15:1 - NQAARIIT NE ROOG

¹ Cinj kaaga, ga’aam na asamaan o anddiloor o lakas o maak o jom’andtu: Malaaka ɓetuu ƭik a ndeeƭu, a saq taamaala ɓetuu ƭik. Taamaala keene mbalak’u yaam na den fuux le Roog a dayu.

Mbeeñil 15:1 Referans Kwoze

A paɗax ale 26:21

Nu mbesahinangaam a cinj, too mbañaam o nanan, xam xawrandahin boo a caf ɓetaa ƭaq a qaw ale no pakaad ke nuun.

Mbeeñil 21:9

Cinj kaaga, fa leng no malaaka ke saq’ina fo ndog ɓetuu ƭik ne yip’ina taamaala ɓetuu ƭik palakaand ke, a gara a layaam ee: «Gari boo um lalong o toog oxe refna o Kulook no Mbaal onqe.»

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 16:1

Cinj kaaga, nanaam o ñuxur o maak olaa inoorna no Mbind Roog ne, a lay malaaka ɓetuu ƭik ke yee: «Ndetyo ƥax took lanq ke fo mbeeƭ ɓetuu ƭik ne yipna fuux le Roog!»

Mbeeñil 14:19

Naaga, malaaka fee a daalandooxa lanq ke fo a ñand um. A geewa tuunq biiñ ke, a ɓek a den kam o nirir o maak ole refna fuux le Roog.

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Dañel 6:27

Mexe heblitaa yee me maat es a reefeena fop, fat wiin we a saɗar too a niwaa a Roog fee Dañel yaam ten refu Roog fa ñoow jok fee, too xan a ref boo faw! Maat um gefkee muk, maatax um jegkee muukandoong.

Mbeeñil 11:14

A ƭomaan a ƭikandeer ale a faafa, ndaa a tadkandeer ale oxe garaa no ñofu, mbootooxyo boog!

Mbeeñil 10:3

Naaga, a falalooxa a maak nen njogoy naa na bumbaa. Ye ta falalooxna, ƭuuɗ ɓetuu ƭik ke a mbangooxa, a njaaɓanin.

Mbeeñil 8:6

Maaga, malaaka ɓetuu ƭik ke saq’ina a luuƥ ɓetaa ƭaq ake a mbaaja ndax da luuƥ.

Mbeeñil 8:13

Ga’aam too nanaam a canjiik alaa na yetaa na asamaan, a layaa a maak ee: «Sabab! Sabab! Ndaw sabab took we ngenna no lanq ke yaa a luuƥ ake no malaaka tadik lakas ke a njibkaa!»

Mbeeñil 8:2

Maaga, ga’aam malaaka ɓetuu ƭik ke a ngeenoox mbaambir Roog, a cooxel a luuƥ ɓetaa ƭaq.

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

Mbeeñil 17:1

Cinj kaaga, fa leng no malaaka ɓetuu ƭik kaa saq’ina fo mbeeƭ ɓetuu ƭik naa a gara a layaam ee: «Gari too xam lalong ne a caga maak ale a hate’itkeel, o ten oxe na moofaa paam poofi maak ke.