Mbeeñil 14:4 - NQAARIIT NE ROOG

⁴ Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

Mbeeñil 14:4 Referans Kwoze

Mbeeñil 3:4

Kaa koy, leng-leng no we jegoona Sardes ƭuuñee cer den. Xan a ñaaƴaa fa mi, a ndokoox tikoorik tan, yaam njombee a den.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

A kim a tedu ke 74:2

Wetandooxi xeet of fee jegoona no miñu kaa, a carind akeene watoona, ndax o jeg a den. Wetandooxi o joong ole Siyoŋ, me sip’oona Ngenand of.

1 Korint 6:20

Yaam njigand maak nu mbatte. Yaaga koy, fat Roog a waag o jegit o ndam no cer nuun.

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

Yeremi 2:3

Maaga, Isra’el kaa kesan’el o Yaal oxe nen taawlax ke no saxade le. Fop we nduqooguuna, a nqawooge, taamaala a sagoox a den.» O Yaal oxe layun.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Efees 1:14

Yiif Tedu le kaa ref a ƭegeer njigand no paax ke Roog a geekanna a in. Kaa woornaa a in ee xan i pokoox keene fop, yaa a bat ale in a fadnooxkaa. Neene, xan o ndam onqe Roog a simatel.

1 Korint 16:15

Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

YEGIL MBAAX NE YEESU ne Saŋ a bindtuuna 13:37

Piyeer a layaan ee: «O Yaal oxe, xar waagu yaqan um reefanong ndiiki? Um waagong o wuusan o ñis es sax!»

Mace 25:1

«Yaaga koy, xan Maat ne na asamaan a nand fo roog xarɓaxay waa njangna xa lampa soo a nqetik fo o kor-no-kulook oxe.

Mace 8:19

O kiin oxaa fogna no jaajangin we no kebil ke Moyiis a matiidaan, a lay ee: «O Caajangin oxe, muu o jofaa xam reefanong.»

A kim ale na kim ake 1:3

Sulooxel ke wo a mbela tuñ lool, gon of a nand nen ƭuumooxel kaa naangna sur. Ten taxu mboƥ ndoog ne fop a mbugong.

1 Timote 4:3

Kaa ngeblaa yee dolnirel waree, a layaa yee ba o leng a ñaam kene mbaat kaana. Kaa koy, ñaamel keene, Roog saku a den, ndax gimu we andna ndigil ne a ñaam a den fo o ngidim.

1 Korint 7:28

Gilig refee bakaad, too a tolax refee bakaad, ndaa oxuu rokna no ndolnir, no coono ƥor a refaa, too coono keene buganeerum a nuun.

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

A kim ale na kim ake 6:8

O maad oxe a waaga jeg rew qarɓeen ɓetuu fa leng, keƈ-a-salma qarɓeen ɓetuu tadik fo mboƥ ndoog naa mbaagaandeena lim.

A kim a tedu ke 45:14

O ƥiy o ndew onqe no maad oxe xe kam fee, a miric-miricnaa ne ta fodeena fop, ndoki um a gemeñtel wurus fa ƥor.

Mace 19:12

Yaam kaa jeg mayu kaa andoona yee ten na yaqanaa goor leng we da ngilig. Leng we kaa ndimteel o ñak o waag. A jega itam lakas waa wiin we a yaqna boo mbaagatee, soo yoq we koy a mbañaa ndolnirel yaam Maat ne na asamaan. Fat oxuu waaguuna o jaɓ, a jaɓin.»

Efees 5:27

yaam kaa bug’u o feeñil mbaambir um o fog ole no gimu we kam o mosel um fop, a bug ta xool, a ñak sik, too jegkee gak leng.

Hebre 12:23

fo mbokatax ne no gimu we ndefna taaw ke Roog, a kon den a mbindeena na asamaan. Nu matiida a Roog fee refna o kaahate no wiin we fop, matiid a yiif ake no wiin jofu we ñakna sik.

Mbeeñil 21:22

Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.