Mbeeñil 14:3 - NQAARIIT NE ROOG

³ Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

Mbeeñil 14:3 Referans Kwoze

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Mbeeñil 14:1

Cinj kaaga, ɗeetaam, too ga’aam o Mbaal onqe a geenoox took o Joong ole Siyoŋ, soo wiin cuni teemeed we fo wiin cuni qarɓeen nahik we fo wiin cuni nahik we a ndef fo ten, gon le no Mbaal onqe fo gon Faap um a mbindel na tagid den.

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Esayi 42:10

Ngimanyo o Yaal oxe a kim a qas. Simatteenoo no ke xotitna no cat adna, wo o maag ole, fo nuun ñaañaaƴ we teen, nuun a pimb ake fo we ngenna teen.

A kim a tedu ke 149:1

Haleluyaa! Ngimanyo o Yaal oxe a kim a qas, simatin kam mbokatax ne no gimu we!

A kim a tedu ke 98:1

A kim a tedu yoo. Ngimanyo o Yaal oxe a kim a qas, yaam a fi’a comlaand. A maafta a ñamaak um, o ɓay um o tedu le.

A kim a tedu ke 40:3

A sutaxam no gamb le na saŋkax ale, no xooɗ-ee-xooɗ le no lopopooƈ le. A geennaxam jiŋ, a caf es a ndiƈoox took ɓil maak, ta woorin a ƭat es.

A kim a tedu ke 144:9

Wo Roog, kaam bug o xaananong a kim a qas, xuus’antang riiti xa quusi xarɓaxay,

A kim a tedu ke 96:1

Ngimanyo o Yaal oxe a kim a qas. Nuun adna fa muum, ngimanyo o Yaal oxe.

A kim a tedu ke 33:3

Mberaneenoo a kim a qas. Mbakyo qilmbir ke nuun a paax, njibin xa ñuxur nuun.

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

1 Korint 1:18

We na ndeefaa a ƭat a saŋkax mbi’u ñaku xoox a kurwaa le na waare’eel, ndaa na in we mucna, katil Roog oo.

Mbeeñil 7:4

Maaga, nanaam we ñaas’eena a limeel boo no cuni teemeed fo cuni qarɓeen nahik fo cuni nahik na carind xarɓaxay fo a carind a ƭak ake Isra’el fop: