Mbeeñil 14:2 - NQAARIIT NE ROOG

² Nanaam o ñuxur olaa inoorna na asamaan, a jibtaa nen poofi maak kaa na nqawraa, a fangoortaa nen ƭuuɗ maak. O ñuxur ole nanuuma kaa nandtoogu itam nen o ñuxur no riiriiti waa na nqilimbaa.

Mbeeñil 14:2 Referans Kwoze

Mbeeñil 5:8

Ye ta xotna a kayit ale, pindel nahik ke fo maak qarɓeen ƭik fo maak nahuk we a ndalfooxa o ngooknoox mbaambir no Mbaal onqe. Oxuu refna na den kaa saq’u o nqilimb fo o ndog wurus o yipe cuuraay boo muut. Cuuraay feene koy reeƭu a qeƭ ake no gimu we mbogna na Roog.

Mbeeñil 1:15

a caf um a telelaa nen xanjar faa naayneena na fiɗel boo a xawnel. O ñuxur um koy kaa fangoortoogu nen poofi cegu doole kaa na nqawraa.

Mbeeñil 15:2

Cinj kaaga, ga’aam kaa na nandtaa o maag o wendu laa fokatoorna fo fiɗel. Ga’ahinaam we maaf’ina a Ɓaanoor fo nitaal um fo limel ne fodirna fo gon le ten. Kaa ngeenoox’u took o maag o wendu le, a saq fo nqilimb ne Roog a coox’ina a den.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Heseki’el 43:2

Maaga, ga’aam o ndam onqe Roog fee Isra’el, ta inoortiidaa no batand. O ñuxur ole ten kaa nandtoogu fangax poofi cegu doole, lanq ke fop a may fo o ndam onqe ten.

A kim a tedu ke 33:2

Simatityo o Yaal oxe o nqilimb. Mbakanteenoo riiti xa quusi xarɓaxay.

2 Sami’el 6:5

Dawid fo Ii-isra’el lakas we fop kaa mbakoogu, a mbecaa mbaambir no Yaal oxe, a ngimaa a yoonandtin xa qos pakir mayu: A tiiti fo fo nqilimb fo a ñal fo a tog fo a qiin.

A sutax ale 19:16

No nqes naa, no ñaal ndadkandeer naa, a jeg’a ƭuuɗ fo xa kiiñaand, too eel niɓu a fudooxa took o joong olaa. A luuƥ a jiba a maak, too xeet faa fop ndeeƭna kam saŋe naa, a ndiid’a boo a sendaa.

Mbeeñil 18:22

O qaaxaan mbaat o kiigim mbaat o tiiriiti mbaat o luuluuƥ nanitkataand na wo. O caajal o say o leng soƥkataand na wo, too o leng nankatee oxaa na unaa.

Mbeeñil 11:12

Maaga, duleer ɗik we a nana o ñuxur olaa inoorna na asamaan, a lay ee: «Ŋaayiidyo mene!» Naaga, a ŋaaya na asamaan kam eel, soo fañ we den a ndef no ƭeetaa a den.

Mbeeñil 6:1

Cinj kaaga, ga’aam o Mbaal onqe a ñaƥtaa o leng na xa ñaas ɓetaa ƭaq axe. Nanaam itam leng no pindel nahik ke a fangooraa nen ƭuuɗ. Kaa layoogu yee: «Gari!»

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

A kim a tedu ke 93:4

Kaa koy, kupu fangax le no poofi cegu doole ke fo le na yag-ee-yag a maak ake no maag ole, kupun o Yaal oxe a hame’tu fop maaga took.

A kim a tedu ke 92:3

Ndaw ne ta felitna, yaa i yegnitaa o mbeq of nqes teel, soo no yeng ole ngor of,

A kim a tedu ke 57:8

Wo Roog, o laaw es a dala, kaam ee o laaw es a dala. Bugaam o xaanang soo xilmbanang.

Mbeeñil 8:7

Malaaka fa eetaand fee a luuƥa, too kaa nandna nen a kalam a ƥuuɓu fa fiɗel laa fokatoorna fo fo’oy a yuuriida a lanq. Keene a taxa boo a qaaj a tadkandeer ale no lanq ke fo ale no taxar ke fo daaƭ le na xuƥaa fop a dox.

Sakari 9:14

O Yaal oxe xan a feeñ, a ƴufgiid xeet um, a kas um a mbaasloox nen xa kiiñaand. O Yaal oxe na refkaa boo faw xan a jibin a tuluɓ, a garaa kam a und ale no ɓemb-roog o ñamaak.

Esayi 17:13

Qeet ke owe ŋurŋurnaa nen poofi cegu doole kaa na nqawraa, ndaa yaa Roog a ŋalkaa a den, xan a ƈuf koƭu, a ndaxeel nen ñaax laa nqeñ ne na xa coong axe a yetnaa, nen mbuyaambuy laa a und a maak a maƥna.

A kim a tedu ke 149:3

Fat da simattin o mbec, a mbakantin ñal fo o nqilimb.

A kim a tedu ke 98:5

Nqilimbanyo o Yaal oxe, kaam ee nqilimbaneenoo, ngimanin,

A sutax ale 20:18

Xeet faa fop a nanooga ƭuuɗ ke fo a luuƥ ale njiboogna. A nga’ooga itam xa kiiñaand axe fo o joong ole suunoogna. Kaaga a tax’a xeet fee fop a sendaa, a mbod koƭu.

A kim a tedu ke 147:7

Ngimanyo o Yaal oxe a kim a kidmir, nqilmban a Roog in.

A kim a tedu ke 43:4

Maaga, xam matiid o sadaxand ole wo, matong, wo Roog fee o ɗaay es fo o mbelakinax es, soo xilmbanang, wo Roog fee refna Roog es.

1 Korint 13:1

Mi fa xoox es sax, boo andoona yee kaam ci’’el o waag o lay fo lak no wiin fa fee no malaaka ke, um fexangee lakas we, kaam nandkoogu nen a qiin alaa na ƭawƭawnaa soom.

2 Caloori ke 20:28

A ndoktiida kam Yeerusaleem a tiiti fo fo nqilimb fo a luuƥ boo no Mbind ne no Yaal oxe.