Mbeeñil 14:11 - NQAARIIT NE ROOG

¹¹ Maaga, fo suun ole na fiɗel le na toroxandaa a den xan a naag kiw a yoɗoox boo xoo. We na mbaɗooxaa a Ɓaanoor fo nitaal um koy, fo xuu andoona yee a daawa o ñaas ole no gon um, weene fop njegkee a ñootnax ñaal fo o yeng.

Mbeeñil 14:11 Referans Kwoze

Mbeeñil 19:3

A ndakooxahina o nqaan ee: «Haleluyaa!» Fo suun ole no dox ole na teeru fa maak feene oxe yoɗooxaa bo na moos boo moos.

Esayi 34:10

Xan a kaƥaa ñaal fo o yeng, fo suun ole a naag kur, a yoɗoox boo kujumaani cay. Saax le xan a fes a pec no suk boo no suk, too o leng reefkatee teen boo muk.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Mbeeñil 18:18

Kaa mbuuqoogu ye da nga’na fo suun ole no dox ole ten ee: «E koon, teeru faa nandna nen a teeru fa maak feeke mosee o jeg muk!»

Mbeeñil 14:9

Malaaka fa ndadkandeer a reefana malaaka ƭik eetaand ke, a lay a maak ee: «Oxuu faɗooxna a Ɓaanoor fo nitaal ne ten, soo a daaw o ñaas um na tagid um mbaat no ɓay um,

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

Mberaand 19:28

A deɓa a kid um farna fa Sodoom fa Gomoor fo no jegel ole na xa saawit axe fop, soo a ga fo suun olaa nandna nen fo suun ndoxan a yoɗoortaa no lanq ke.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Mbeeñil 7:12

A laya yee: «Amiini! Yaam a simat fo o ndam fo o and fo o ngidim fo o niwel fa katil fa doole a ngela a Roog in bo na moos boo moos! Amiini!»

Hebre 1:8

Kaa koy, no ke jofna no Ƥeenqe, Roog a laya a qoolu yee: «Gamb no maad le wo de Roog, xan a ref boo faw. O cofel rek o maadooritkaa maat ne wo.

A kim a tedu ke 145:1

A kim a niwir alaa fogna na ke Dawid oo. Roog es, o maad es, mexe niwang, simataa gon of bo na moos boo moos.

A kim a tedu ke 10:16

O Yaal oxe refu o maad boo faw, we mbaɗooxeeruuna xan a moocandel no saax um.

A sutax ale 15:18

Xan o Yaal oxe a maadooxaa bo na moos boo moos.»

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

Mbeeñil 13:12

Kaa jiriiñoortoogu sañ-sañ fee na Ɓaanoor fa eetaand fee mbaambir um. A ser’a adna fee fo we ngenna teen da mbaɗoox a Ɓaanoor fa eetaand fee, ngaañax mbaawar um a wod’ina.

Mace 11:28

Ngaryo me mi nuun fop, nuun we nqijna too meɗel, ndax um ci a nuun a ñootnax.

Esayi 57:20

Kaa koy, soxodu we kaa nand nen o maag o jumbu laa waageerna o riim, too poofi ke ten a njooriidaa tafil ndoƭ kuu ndefna.

A cangatin ale 28:65

Nu njegkee jam a ndeer qeet keene, too nu njegkee sen maa nu yaadoorna. Xan o Yaal oxe a fagiɗ kam nuun, a kid nuun a niifaar, xa laaw nuun a ndalaƭar.

Esayi 34:8

yaam bes a tabdinax oo no Yaal oxe. O hiid ole Siyoŋ a rabdinooxankeel oo.

Dañel 3:6

Oxuu gungkeerna too faɗooxkiran xan a deɓel ndak fo ndak kam fuur faa na kaƥaa jir-jir.»

Mbeeñil 13:15

Ɓaanoor fa ƭikandeer fee a ci’e o ɓek o laaw olaa na fiɗaa no nitaal ne nandna fa Ɓaanoor, ndax nitaal neene a waag fa lay, a waag o fi boo we mbaɗooxkeerna nitaal ne nandna fa Ɓaanoor a nqon.

Mbeeñil 13:17

O leng waag’ee o jik tig mbaat o jikoox, too jegiro o ñaas oleene refna gon le Ɓaanoor mbaat limel ne fodirna fo gon le ten.

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.