Mbeeñil 14:10 - NQAARIIT NE ROOG

¹⁰ oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Mbeeñil 14:10 Referans Kwoze

Esayi 51:17

Yokooxi, wo Yeerusaleem, kaam ee yokooxi, too inoox, wo fee yeritna no ɓay no Yaal oxe o mbeeƭ onqe yipna fuux le ten. Yeraano boo ɓuus nqiim ke, naag nep way.

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

A kim a tedu ke 75:8

Roog kañ refu o kaahate xe, ten oxe na neewandaa o leng oxe, soo a yoɗ o lakas oxe.

A kim a tedu ke 11:6

Kaa deɓaa took no soxodu we a kaagaañ a sumu jip fo nqeen. Mbooyo ƭomu refu a tokol ale da mbarna o ngumir,

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 18:6

Mbesooryo fa Babilon ne ta fesooritna fa nuun, ndabdin boo a caf a ƭak ke ta fi’na a nuun. Yipyo o mbeeƭ onqe ten a yer alaa moƴna o xaaɗ a caf a ƭak a yer ale ta fi’an’ina a nuun.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Ke bindeena no xe ne’eena YOB 21:20

Ten war’u o ga fo a kid um o torox um, a buq fuux le no Cegu katil oxe.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Mberaand 19:24

Maaga, o Yaal oxe a deɓiida took Sodoom fa Gomoor a teƥ nqeen kaa fiɗel a saasinna, ta hatiid na asamaan.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

Esayi 30:33

Tofet a jagande yaaga. O maad oxe a jagandane itam. Kaa yaaj soo a xooɗ, soo xa saangaan ee gañ teen fo xa cuuƭ xa pagkatar. O Yaal oxe xan a damnitin haaƭ um nen a ƈufnand fiɗel.

Mbeeñil 18:3

A yerna qeet ke fop biiñ fee ten refna ceeq. Maad we na adna fee fop a seeqa fo ten, soo jiijikax we na adna fee sax a njegit halal no neq um.»

Habakuk 2:16

Maykiro fo o ndam, ndaa xan o naag ɓot yaam gaci. Wo fa xoox of, xan o yer itam soo xeefnoorel yaam o yoq o ƥor! O feeƭ ole no fuux le no Yaal oxe refna na ñamaak um xan a geleeroox farna fa wo, soo o niwaƭarel a muur o ndam of.

Yeremi 25:27

O Yaal oxe a heblaxam um lay a den ee: «Keeke o Yaal oxe Roog fee Isra’el Hupna fop a layu: Yeryo, mbay nep, mbasil, yen boo nu inooxkatee, yaa nu nga’kaa a bar ale um garitkaa a ndeer nuun.»

Esayi 34:9

A paas ake Edoom xan a suptoox godorong, fo ut ole ten a suptoox nqeen, soo lanq ke ten a nandat nen godorong faa na kaƥaa.

Esayi 29:9

Njomi’yo too njaq! Mbuulyo, too ba nu nga’at, mbay, too biiñ taxiran, tifil-tifilnaa, too a yer a qaaɗu ɓekiran a nuun,

Mace 26:39

Yaa ta retna boo a goƭ o ndik, a gooknooxa, a gung, too a xeɗa a Roog ee: «Faap, a waagangaa jeg, fat o kaas coono lene a riƈatoox boo yerkinum. Kaa koy, baa jegit ne bugtanuuma, ndaa ne bugtanoona.»

Mace 20:22

Yeesu a doonaan ee: «Nu andee ke nu nqeɗaa. Ndax nu mbaaga o yer o kaas coono le waruuma yer?» A layaan ee: «I mbaagaan.»

A ƭomatax ake 4:21

Felakinooxi rek too ref no ɗaay, wo Edoom o ndoog onqe, genna no saax le Uus! Kaa koy, wo itam xan o daawnel o feeƭ ole no fuux le no Yaal oxe, way teen nep soo woloox boo yoq ƭuc.

Yeremi 51:57

«Xam waynoor gelwaar we ten fo yaal-o-and we ten, gofornoor ke ten, kelfa ke ten fo a salma-koor ake ten. Xan a ƭaan o ƭaan o yokooxkaand.» O Maad oxe gon um a refna o Yaal oxe Hupna fop layun.

Yeremi 49:12

Keeke o Yaal oxe a layu: «Nga’angyo, we mbar’eerna o yer no feeƭ ole yipna fuux le mi, xan a yer teen, soo wo Edoom o mat o bug o ref teen jaambuur! Ha’aa, refkiro teen jaambuur kañ, waraa o yer teen.

A kim a tedu ke 91:8

Kaa o bugko ɗeetaa doŋ, ga’aa ne Roog a rabditaa soxodu we.

A kim a tedu ke 60:3

Wo Roog, fuuxanaa a in, deɓ a in, pasar a in, ndaa dalnatini a in ndiiki!

A kim a tedu ke 37:34

Ɗagi yaakaar of no Yaal oxe, reef a ƭat um, too yaaga xan a yoɗong, o jeg lanq ke, soxodu we a saŋkeel na kid of.

Ke bindeena no xe ne’eena YOB 18:15

Ƭiif ne ten ta refateerna, a waage gen, suufur a yipel no ngenand um.

A kim a tedu ke 73:10

Ten taxu xeet fee Roog sax a ngeleeroox farna fa den soo a ƭuudaa xa ñuxur den nen foofi.

A kim a tedu ke 52:6

Fa lay fa yaayaq rek felong, too kuu yaƥatoona, ta ref naanaxir ƥor.

Heseki’el 38:22

Xam layoor fo ten na pexey piste fo fo’oy. Xam ɓisiid mbuyaam maak fo a kalam a ƥuuɓu fo fiɗel fo nqeen took um, took a yaj no xiixire ke ten fo took qeet pagkatar ke yoonna fo ten.

Mark 8:38

Oxuu sedaxama, a sed fa lay es ndeer xeet fene na seeqaa, too a mbakaadaa, xan o Ƥeenqe no kiin oxe a sedin yaa ta garkaa kam o ndam Faap um, a yoon fo malaaka tedu ke itam.»

A pi ake 10:22

A ndoonaan ee: «Korney, o aa-adax no xiixire teemeed luliidu a in. O kiin o paax oo, a saɗar a Roog. Xeet faa no Yaawuur waa fop kaa seede’aa no ten paax. Malaaka Roog yegnun ee ta xoyniidong ndax o gar no mbind um boo ta waag o nan-giloox ke o laykan.»

2 Tesalonik 1:7

soo nuun we toroxandeena, ta ci a nuun a ñootnax, a ci’in a in itam. Xan Roog a fadin keene fop, yaa o Yaal oxe Yeesu a inooritkaa na asamaan, a yoon fo malaaka cegu katil ke ten,

Mbeeñil 15:7

Leng no pindel nahik kaa a cooxa malaaka ɓetuu ƭik kaa fo mbeeƭ ɓetuu ƭik wurus naa mayna muut fo fuux le Roog fa ñoow jok fee na refkaa boo faw.

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 20:14

Fa nqon fa jaaniif a njoore kam a mbeel fiɗel ale. A mbeel fiɗel aleene koy refu fa nqon fa ƭikandeer fee.

Mark 9:44

Maaga max ke na yaqaa cer ke nqonkee, too fiɗel le ñufkee muk.]