Mbeeñil 14:1 - NQAARIIT NE ROOG

¹ Cinj kaaga, ɗeetaam, too ga’aam o Mbaal onqe a geenoox took o Joong ole Siyoŋ, soo wiin cuni teemeed we fo wiin cuni qarɓeen nahik we fo wiin cuni nahik we a ndef fo ten, gon le no Mbaal onqe fo gon Faap um a mbindel na tagid den.

Mbeeñil 14:1 Referans Kwoze

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

YEGIL MBAAX NE YEESU ne Lik a bindtuuna 12:8

«Mexe layan a nuun, oxuu layna mbaambir no wiin we yee a andaxam, xan o Ƥeenqe no kiin oxe a lay mbaambir malaaka ke Roog ee a andaan.

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

A kim a tedu ke 2:6

«Mi dalnu o maad es took Siyoŋ fee o joong o tedu le mi.»

Mbeeñil 14:14

Ɗeetaam too ga’aam eel ran fur, too took eel leene, oxaa nandtoogna o ƥiy no kiin moof’u teen. Kaa rokoox’u o ndip wurus, a pokoox a ñand a beelu.

Mbeeñil 15:5

Yaa kaaga a faafna, ga’aam na asamaan Mbind Roog ne a wetoox, me Ƭiif ne no ngiɓoor ne Roog a refna.

Esayi 49:14

Siyoŋ kaa layaa yee: «O Yaal oxe a waasaxam pelek, o Yaal es a weecaxam.»

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Sakari 4:2

A laamtaxam ee: «Xar o ga’aa?» Doonaanum ee: «Ke um ga’aa de a pagal alaa refna wurus fa ƥor oo fo yipir diwliin no jul ole ten, soo ta saq xa lampa ɓetaa ƭaq fo xa mees ɓetaa ƭaq na xa lampa xe ndefna no jul ole na pagal ale.

Amos 8:2

soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.

Dañel 12:5

«Mi Dañel, ye maaduuma o ɗeetaa, ga’aam no xuluɓ ole wiin ɗik lakas waa, o leng oxe a geenooxna na ƥeeraamb ale farna fa mi, o lakas oxe a fod kaltaa.

Heseki’el 44:4

O koor oxe a ɓisaxam farna fo o don-maax ole no ɓemb-roog o janoon mbaambir Mbind Roog ne. Ɗeetaam too ga’aam o ndam onqe no Yaal oxe mayƭand’ina Mbind ne no Yaal oxe.

Heseki’el 10:1

Ɗeetaam too farna fo a qul ale letnoox’ina, a garit a qoox ake no pindel yeeyetax ke took, a jeg’a nand nen ɓil jafeñu laa ne’eena safiir. Me garit’ina a den took a jeg’a kaa saxitna nen uum-maamaad.

Heseki’el 8:7

Maaga, a ɓisaxam no ndokand naa no maax ole. Ɗeetaam too ga’aam o yul no tabax ne.

Heseki’el 2:9

Ɗeetaam too ga’aam o ɓay olaa letneena farna fa mi, a pokoox o laxas a pind o dore.

Heseki’el 1:4

Ɗeetaam too ga’aam a und a maak a inoortiidaa no ɓemb-roog o janoon, a maƥ garinj laa xa kiiñ a ƥalañtaa, a qoolaand ee dañ me widuuna. A ndeer ee ndeer garinj le, a jeg’a meleƈ laa nandna fo njelem kam fiɗel.

Yeremi 1:11

Maaga, o Yaal oxe a laamtaxam ee: «Yeremi, xar ga’o?» Um doonin ee: «A naaq ndaxar amaand ga’um.»

Heseki’el 10:9

Ɗeetaam, too a jeg’a a saang a nahak paam pindel yeeyetax ke, a saang a leng paam mbindel yeeyetax nuu refna, too a saang akeene kaa miric-miricnoogu nen ɓil jafeñu laa ne’eena kirisolit.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Mbeeñil 14:3

Wiin weene kaa ngimoogu a kim a qas mbaambir gamb no maad le fo mbaambir pindel nahik ke fo maak we. Kaa koy, o leng waag’ee o aqatoox a kim ale, a refangee wiin cuni teemeed we fo wiin cuni qarɓeen nahik we fo wiin cuni nahik we mbat’eena na adna fee.

Mbeeñil 22:4

Xan a nga mukit um, too gon um xan a bindel took a tagid den.