Mbeeñil 13:8 - NQAARIIT NE ROOG

⁸ We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mbeeñil 13:8 Referans Kwoze

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

Mace 25:34

Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Mbeeñil 21:27

Kaa koy, qoolaƭaru leng mbaat o kiin oxaa na fi’aa cednooxu mbaat oxaa na maaɓaa rokkee na teeru feene. We a kon den a mbindeena no safe le no ñoow ole o Mbaal onqe a jegna rek na ndokkaa teen.

Mbeeñil 5:12

Kaa ngimoogu fo o ñuxur o maak ee: «O Mbaal onqe war’eena a hela o daaw katil fa halal fo o and fa doole fo o niwel fo o ndam fo a simat.»

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

YEGIL MBAAX NE YEESU ne Lik a bindtuuna 10:20

Ndiiki boog, ba nu mbelakinoox yaam ne cini ke a nananaa a nuun, ndaa mbelakinooxyo yaam ne a kon nuun a mbindeena na asamaan.»

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

A sutax ale 32:32

Mexe xeɗang o waasan a den pakaad den. O fi’angiran, fat o fortaam no safe le o bindaa.»

Esayi 4:3

Maaga, yoqatin we Siyoŋ fo onqe mucna Yeerusaleem xan a nqoyeel tedu. Den ndefu fop we o Yaal oxe a bindna no safe um, ndax da ñoowaa Yeerusaleem.

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Mbeeñil 12:15

Maaga, Mbangool a xuqta foofi no don um, ta fi nen a paas a cinj o tew oxe, ndax a yaand ake a ƥisin.

Mberaand 22:7

Maaga, Isaak a laya a Abraham fee faap um ee: «Ndi baa!» Ta doonin ee: «Oow!» Isaak a layin ee: «Mi de kaam ga i saq xa cuuƭ fo keƥandir, ndaa taa mbaal ne na sadaxitkeel?»

A kim a tedu ke 69:28

Gadni a den tooñ fo ngend um, too ba o jofoor fa den muk.

Mbeeñil 5:13

Maaga, ke sakeena fop, ta ref na asamaan fo took lanq ke fo ɗuga lanq ke fo no maag ole, pindel ke kam adna fee fop, nanaam a den da ngimaa yee: «Yaasam Oxe moofna no gamb no maad le, o ten fo o Mbaal onqe a ndaaw a simat fo o niwel fo o ndam fa katil, bo na moos boo moos!»

Mbeeñil 6:1

Cinj kaaga, ga’aam o Mbaal onqe a ñaƥtaa o leng na xa ñaas ɓetaa ƭaq axe. Nanaam itam leng no pindel nahik ke a fangooraa nen ƭuuɗ. Kaa layoogu yee: «Gari!»

Mbeeñil 13:12

Kaa jiriiñoortoogu sañ-sañ fee na Ɓaanoor fa eetaand fee mbaambir um. A ser’a adna fee fo we ngenna teen da mbaɗoox a Ɓaanoor fa eetaand fee, ngaañax mbaawar um a wod’ina.