Mbeeñil 13:6 - NQAARIIT NE ROOG

⁶ A dalfooxa o xasanaa a Roog, a wenaa gon um fo ngenand um fo fop we ngenna na asamaan.

Mbeeñil 13:6 Referans Kwoze

Mbeeñil 12:12

Ten taxu, wo asamaan fo nuun we ngenna teen, mbelakinooxyo! Kaa koy, ndaw naqad took lanq ke fo o maag ole, yaam o ƈiƴ oxe a fudooxiida me nuun. Kaa fuux boo a buɓaa, yaam a anda yee jamaane um miñkatee.»

Hebre 9:24

Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

Mace 12:34

Nuun soo ndef fo nqisiil! Nam nu mbaagu o layit tig paax too soxod boo ƈaxooxaa? O don ke refna no xeeñ soom a layaa.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mbeeñil 11:12

Maaga, duleer ɗik we a nana o ñuxur olaa inoorna na asamaan, a lay ee: «Ŋaayiidyo mene!» Naaga, a ŋaaya na asamaan kam eel, soo fañ we den a ndef no ƭeetaa a den.

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Mbeeñil 5:13

Maaga, ke sakeena fop, ta ref na asamaan fo took lanq ke fo ɗuga lanq ke fo no maag ole, pindel ke kam adna fee fop, nanaam a den da ngimaa yee: «Yaasam Oxe moofna no gamb no maad le, o ten fo o Mbaal onqe a ndaaw a simat fo o niwel fo o ndam fa katil, bo na moos boo moos!»

Mbeeñil 4:4

Me wid’ina gamb no maad le koy, a jeg’a a kamb qarɓeen ƭik fo a kamb a nahak a lakas. Maak qarɓeen ƭik fo maak nahuk moof’u na kamb akeene. Kaa ndokoox’u tikoorik tan fur, oxuu refna a saq o ndip wurus no xoox um.

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

Hebre 9:2

Ƭiif naa jegna tok ƭik a geenin’e. A ndok a eetaand ale xoyooge o Mbiñ o tedu nqe. Maaga a pagal ale na xa lampa xe fo a taabul ale saqoogna xa kaf puuru xe ƥoxotoogeena a Roog a ndeeƭu.

O leetar ole Pool a bindna GIMU WE NGENNA ROM 3:13

Fa nqon soom na sutooraa na xa paƭanq den, da mbi a ƭelem den naanaxir, fa lay den a ref daŋat saamaand,

Kolos 2:9

No ten o mat Roog fo o yaajel um a xawoortu, a refat o kiin.

Kolos 1:19

No ten Roog a genu fo o yaajel um fop.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Ke bindeena no xe ne’eena YOB 3:1

Cinj ñaal ɓetuu ƭik kaaga, Yob a yaƥata, a saloox ñaal ne ta rimeena,

A kim a tedu ke 73:9

Kaa mbaxnaa a Roog xa ñuxur, too ɗelem den hendkee o leng no lanq ke.

Dañel 7:8

Ɗeetoogaam xa can axe too ga’aam o njan o ndeɓ a sax a ndeer den, soo xa can xa tadaq na xa eetaand axe a mbuuroorit mbaambir um. O njan onqe a kid no kiin a saq’u fo o don olaa laytoogna a magnandax.»

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Mbeeñil 7:15

Ten taxu da ndef mbaambir gamb no maad le Roog, a ndagooxan ñaal fo o yeng kam mbind um. Oxe moofna took gamb no maad le xan a yookaa a den.

Mbeeñil 15:5

Yaa kaaga a faafna, ga’aam na asamaan Mbind Roog ne a wetoox, me Ƭiif ne no ngiɓoor ne Roog a refna.