Mbeeñil 13:4 - NQAARIIT NE ROOG

⁴ Adna fee fop a mbaɗooxooga a Niŋki-naŋka, yaam ne ta doxin’ina a Ɓaanoor sañ-sañ um. Kaa mbaɗooxoogu a Ɓaanoor itam, too a layaa yee: «An nandu fa Ɓaanoor? Ndi an waagu o maafir fo ten?»

Mbeeñil 13:4 Referans Kwoze

Mbeeñil 13:2

Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

Mbeeñil 18:18

Kaa mbuuqoogu ye da nga’na fo suun ole no dox ole ten ee: «E koon, teeru faa nandna nen a teeru fa maak feeke mosee o jeg muk!»

Mbeeñil 13:15

Ɓaanoor fa ƭikandeer fee a ci’e o ɓek o laaw olaa na fiɗaa no nitaal ne nandna fa Ɓaanoor, ndax nitaal neene a waag fa lay, a waag o fi boo we mbaɗooxkeerna nitaal ne nandna fa Ɓaanoor a nqon.

Mbeeñil 12:3

O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

1 Sami’el 17:24

Ye xiixire Ii-isra’el we a nga’na o koor oxaaga, den fop a nomtooxa o jiijing, yaam caƭar maak a dam a den.

A cangatin ale 9:2

Xan nu ndax xa taan axe Anak, ndefna xeet fa maak too a ndef cool, nu nanna ta layeel ee: ‹An waagu waag o xox xa taan axe Anak?›

Esayi 46:5

«An nu nandanditkaxam soo ndendandtaam o ten? An nu mbodranditkaxam ndax i nand?

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Mbeeñil 13:11

Cinj kaaga, ga’aam ɓaanoor fa lakas faa ɗuqtooritna kam lanq ke. Xa can xa ƭaq axaa na nandtaa xa can mbaal a saq’u, a laytaa nen Niŋki-naŋka.