Mbeeñil 13:3 - NQAARIIT NE ROOG

³ Leng na qoox akaa no Ɓaanoor kaa jeg’u ngaañax naa na nandtaa kaa na waraa, ndaa miñee dara ngaañax mbaawar ne a woda. Adna fa muum kaa njaaxiɗ’u, too a ndeefana a Ɓaanoor.

Mbeeñil 13:3 Referans Kwoze

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 17:17

Roog kaa ɓek na qeeñ den da mbug o mbi ke ta fosooxna. Ten taxu da ƥoxotaa maat den a Ɓaanoor, boo yaa fa lay fee Roog a fadnooxkaa.

Mbeeñil 17:10

Ɓetuk na den a saaya. No we yoqna koy, o leng oxe xe maadaa, o lakas oxe mat garafulee, too a garangaa sax oo, miñkee meen.

Heseki’el 30:24

Xam saƭkand a naax ake no maad oxe Babilon soo doon laƥ ne mi no ɓay um. Xam ɓol calit a naax ake Firawon fee, too xan a ɗomatoox mbaambir um fo ƭomatax no xaa na xonaa.

Mbeeñil 17:13

Den fop koy, tig leng kut ke a mbosooxu. A mbuga o ƥoxot a Ɓaanoor katil fee fa sañ-sañ fee da njegna fop.

Mbeeñil 13:12

Kaa jiriiñoortoogu sañ-sañ fee na Ɓaanoor fa eetaand fee mbaambir um. A ser’a adna fee fo we ngenna teen da mbaɗoox a Ɓaanoor fa eetaand fee, ngaañax mbaawar um a wod’ina.

A pi ake 8:13

Simoŋ fa xoox um sax a gima, too a batiise’e itam. No kaa xotitna no kaaga, goƭoogatee a Filip, too a jaaxiɗ’a ye ta ga’na xa anddiloor xa maak axe fo a pi katil ake njegoogna.

YEGIL MBAAX NE YEESU ne Lik a bindtuuna 2:1

Na jamaane faaga, Kesaar fee ne’’eena Ogist a hebla yee fat we mbogna no maat um fop a mbindook.

Mbeeñil 17:6

Ga’aam ee o tew oxe kaa way’u na fo’oy le no we mbogna na Roog fo na fo’oy le no we seede’anoogna a Yeesu. Kaaga a bet’axam lool ye ga’anuuma.

YEGIL MBAAX NE YEESU ne Saŋ a bindtuuna 12:19

Farisiya we a layra yee: «Nu nga’a, i nqotitkee teen dara, yaam adna fee fop fo ten a yoonu.»

Mbeeñil 17:11

Ɓaanoor fee ñoowoogna yaaga koy too maadatee, ten refu o maad ɓetuu tadkandeer oxe, ndaa a fog’a itam no maad ɓetuu ɗik eetaand we, too xan a ɓisel na saŋkax alaa.