Mbeeñil 13:2 - NQAARIIT NE ROOG

² Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

Mbeeñil 13:2 Referans Kwoze

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.

Mbeeñil 17:12

Xa can xarɓaxay axe ga’oona, maad xarɓaxay waa ƥoxotafulaandeena maat den a ndefu. Kaa koy, xan a ci’el sañ-sañ faa da maadoorna fa Ɓaanoor boo waxtu fa leng soom.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 13:4

Adna fee fop a mbaɗooxooga a Niŋki-naŋka, yaam ne ta doxin’ina a Ɓaanoor sañ-sañ um. Kaa mbaɗooxoogu a Ɓaanoor itam, too a layaa yee: «An nandu fa Ɓaanoor? Ndi an waagu o maafir fo ten?»

Mbeeñil 12:15

Maaga, Mbangool a xuqta foofi no don um, ta fi nen a paas a cinj o tew oxe, ndax a yaand ake a ƥisin.

Mbeeñil 12:13

Ye Niŋki-naŋka a ga’na yee a joore a lanq, a refa no ɓeedaa o tew oxe ñoot’ina o ƥiy o ngoor onqe.

Mbeeñil 16:10

Malaaka fa ƥetkandeer fee a ɓaxa o mbeeƭ um took gamb no maad le Ɓaanoor. Maaga, maat ne ten a dalfooxa o ref no niɓaan. Wiin we kaa ŋatooxoogu yaam a ƭomeel,

Amos 5:19

A koom nu nand fo koor oxaa na ƴufaa njogoy, a xet fo ursu, a rok no mbind um, a geƈnoox no tabax, a ñootnooxaa, a baloor a ŋatin.

Yeremi 13:23

Ndax o ngiin-o-ƥaal a waaga o supit ƭool um mbaat o ƴaxal a supit a taad um? Nuun itam, ndax nu mbaaga o mbi paax, nuun we merna o mbi’aa paaxeer?

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Esayi 5:29

Kaa mbumbtaa nen njogoy ƥasil, a ŋuuraa nen njogoy njanglax naa pokooxna mbuufuɗag um, a ɓisan, too o leng saɗee gar, a suqtin no ten.

Xa peƭit axe 28:15

O soxodu xaa na maadooxaa took xeet fa neewu doole kaa nand nen njogoy naa na bumbaa mbaat nen ursu naa xeexeena.

Xa peƭit axe 17:12

Xet fo ursu naa xa ƥeem a njangeena moƴu xet fa fanxoy, yaa o ƥodaxel ole ten a garanuuna.

A kim a tedu ke 22:21

Wataam na fa nqon, saytoox o ñis es na ñiiñ ake na xa ƥox axene.

2 Maad we 2:24

A wiƈaqilooxa, a ga a den soo a saloox a den no gon no Yaal oxe. Maaga, ursu tew ƭik a sutoorta no suungaan le, a lisit xa koor qarɓeen nahik fo xa koor xa ƭaq na xa koor axaaga.

Habakuk 1:8

Pis ke den moƴu ñof o ƴaxal, a moƴ o ƈaxooxaa a teeteem na kid-a-caɓru. Pis ŋaaye ke den kaa mbaaslooxaa, a inoortiid koƭu, a yetaa nen a canjiik alaa waaslooxanna mbuufuɗag um.

Amos 3:12

Keeke o Yaal oxe a layu: «Ne o kaynaak a suqtitaa yoqatin mbaal um no don njogoy, ta ref a caf ake mbaat nof, neene mat a muc no Ii-isra’el we ngenna Samari a nandkaa, den weene na mbondooxaa no xeeñ njong, a mudaa no cong moku.»

Hoose 11:10

«Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

Mbeeñil 13:12

Kaa jiriiñoortoogu sañ-sañ fee na Ɓaanoor fa eetaand fee mbaambir um. A ser’a adna fee fo we ngenna teen da mbaɗoox a Ɓaanoor fa eetaand fee, ngaañax mbaawar um a wod’ina.