Mbeeñil 13:18 - NQAARIIT NE ROOG

¹⁸ Mene koy waraa o jeg o and. Oxuu jegna yiif, fat a lim limel ne Ɓaanoor, yaam limel neene gon no kiin a fodritu, too teemeed ɓetuu fa leng fo qarɓeen ɓetuu fa leng fa ɓetaa fo leng refu limel neene.

Mbeeñil 13:18 Referans Kwoze

Mbeeñil 15:2

Cinj kaaga, ga’aam kaa na nandtaa o maag o wendu laa fokatoorna fo fiɗel. Ga’ahinaam we maaf’ina a Ɓaanoor fo nitaal um fo limel ne fodirna fo gon le ten. Kaa ngeenoox’u took o maag o wendu le, a saq fo nqilimb ne Roog a coox’ina a den.

Mbeeñil 17:9

Ndiiki, waraa saq o jeg-yiif fo o ƴiƴ. A qoox ɓetaa ƭaq ake kaa ndef xa coong ɓetaa ƭaq axe o tew oxe a moofna. Maad ɓetuu ɗik a ndefu itam.

Mbeeñil 21:17

A liiƥa saŋe ne, too a fi’a meetar qarɓeen ɓetuu fa leng fo meetar ƥetik took, no ke ta liiƥtoogna.

Mbeeñil 1:3

We na njangkaa safe lene a ƭaaya. We na nankaa fa lay fee no nduleer ne ten, soo a ngeek ke bindeena teen a ƭaaya itam. Yaam waxtu fee keene fop a warna o xew a matiida.

Mark 13:14

«Xan nu nga oxe na xoyeel ‹Cakalaaru ke sibdeena› ta fod me ta war’eerna o fod. Oxuu na jangaa a ƭelem akene fat a wootoox a paax! A koom, waa na ndefkaa no jegel olaa Yudee a mbara o ƈufan xa coong axaa.

Dañel 12:10

Xan wiin mayu a nqoolandel, a ndan-ginel soo a ƥogdel. Kaa koy, faaxaƭaru we xan a mbi’aa paaxeer too o leng na den andkee keene, ndaa we njegna a yiif xan a andin.

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

A kim a tedu ke 107:43

Oxuu jegna o and fat a dam keene too a ɓaal ke o Yaal oxe a fi’na no mbeq um.

A cangatin ale 3:11

Oog fee o maad Basan doŋ yoq’u no Reerefa we. Kees njelem ne ta gastik’eena oxaa Raba no saax le no Aa-amon we boo ndiik, too o cigdel um a fi’a xa noonoong ɓetaa nahaq, soo o yaajel ole a fi xa noonoong xa nahaq no noonoong no kiin.

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?