Mbeeñil 13:16 - NQAARIIT NE ROOG

¹⁶ Ɓaanoor feene a serooga wiin we fop, yaal toole fo we neewna doole, siide fo rool, faɗ fo jegu a qoox den, da ñaasel no ɓay o ñamaak fo na tagid.

Mbeeñil 13:16 Referans Kwoze

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 7:3

«Ba nu ndaaɓ lanq ke mbaat o maag ole mbaat taxar ke boo yaa i ñaaskaa a tagid ake no we na ndagooxaa a Roog in!»

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Mbeeñil 19:18

Ngaryo ñaam xa tal no maad fo xa tal kelfa no yaal kumnax fo xa tal yaal katil fo xa tal pis fo ŋaaŋaay den fo xa tal no wiin fop, faɗ fo jegu a qoox den, yaal toole fo we neewna doole.»

A cangatin ale 6:8

Fat o hum a den no ɓay of nen o anddiloor, fi a den na tagid of nen betandoor,

A cangatin ale 11:18

Fat kebil ke um cooxaa a nuun a ngen na qeeñ nuun fo na xa laaw nuun. Fat nu ngum a den na xa ƥay nuun nen o anddiloor, mbi a den na tagid nuun nen betandoor.

A sutax ale 13:9

Keene xan a ref na nuun nen o anddiloor na xa ƥay nuun, a ref nen betandoor na tagid nuun, ndax nu yegnitaa kebil ke no Yaal oxe, yaam na pexey katil fa maak fee ten o Yaal oxe a suttu a nuun Misira.

Mbeeñil 19:5

O ñuxur a nannooxa, a inoor no gamb no maad le. Kaa layoogu yee: «Simatyo a Roog fee in, nuun fop we na ndagooxan too saɗarin, nuun yaal toole fo we neewna doole!»

Mbeeñil 20:12

Maaga, ga’aam xon we, yaal toole fo we neewna doole, da ngeenoox mbaambir gamb no maad le. A jega a safe kaa mbeteena. Safe lakas a wet’e itam, refna ref safe le no ñoow ole. Xon we a ngate’e no ke bind’eena kam a safe ke, oxuu refna na pi um.

Mbeeñil 6:15

Maaga, maad we na adna fee fo maak we fo kelfa ke no xiixire we fo yaal kalal ke fo we njegna sañ-sañ, wiin lakas we fop, faɗ we fo we njegna a qoox den, den fop a naanga suq kam luf ke fo a ndeer a ƥil ake na xa coong axe.

A pi ake 26:22

Kaa koy, Roog a saytooxaxam boo no ñaal ne xaye, too mexey meen ndax um seede’aa fop, wiin maak we fo we neewna doole. Laytiim lakas koy, a refangee ke duleer we fa Moyiis a layna, too ta war o xew, ta ref ee:

A kim a tedu ke 115:13

O Yaal oxe xan a barke we saɗaruuna, maak fo xa caaƈ.

Ke bindeena no xe ne’eena YOB 34:19

Naagee o fartaa wiin maak we, jegee njektirand ndeer o yaal halal oxe fo o ndool onqe, yaam den fop kaa ndef jale na xa ƥay um.

Mbeeñil 15:2

Cinj kaaga, ga’aam kaa na nandtaa o maag o wendu laa fokatoorna fo fiɗel. Ga’ahinaam we maaf’ina a Ɓaanoor fo nitaal um fo limel ne fodirna fo gon le ten. Kaa ngeenoox’u took o maag o wendu le, a saq fo nqilimb ne Roog a coox’ina a den.

Mbeeñil 11:18

Qeet ke fop kaa mbuux’u boo a mbuɓaa, ndaa waxtu fee waroona o fuux fa waxtu fee waroona o hate we nqonna a fadiida. Waxtu fee waroona o saɗig dag we wo na njo’tanang, waxtu fee o saɗigkaa we mbogna na wo, a saɗarong, ta ref yaal toole ke mbaat we neewna doole, a fadiida. Waxtu fee waroona o gef we na ngefaa adna fee a fadiida.»

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Efees 6:8

Fat nu and ee: Oxuu refna xan a daawit no Yaal oxe paax ke ta fi’aa, ta ref o paɗ mbaat oxaa jegna a xoox um.

Galati 6:17

Koo jaf le na garaa, ba o leng a taxat um jaaxiɗ, yaam a aak ake ndefna no cer es fop, Kiristaa taxun.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

A kim a tedu ke 49:2

Nuun qeet ke fop, nan-gilooxyo kene, nuun fop we ngenna na adna fee, ndungyo nof nuun,

2 Caloori ke 15:13

Oxuu damoox’eerna no Yaal oxe Roog fee Isra’el koy kaa war’u o maaltel fa nqon, ta ref o maak mbaat o ndeɓ, o koor mbaat o tew.

2 Timote 3:8

Ne Yanes fa Yambres a mbañit’ina a Moyiis, wiin weene a mbañitkaa ndigil ne, yaam kaa nqon a yiif, too o ngim den refee tus.

Sakari 13:6

Oxuu laamteena na den ee: ‹A aak ake no ngang of koy, xar fi’ong o ten?› xan a doon ee: ‹No mbind qaariit es a ndaltaxam.› »