Mbeeñil 13:12 - NQAARIIT NE ROOG

¹² Kaa jiriiñoortoogu sañ-sañ fee na Ɓaanoor fa eetaand fee mbaambir um. A ser’a adna fee fo we ngenna teen da mbaɗoox a Ɓaanoor fa eetaand fee, ngaañax mbaawar um a wod’ina.

Mbeeñil 13:12 Referans Kwoze

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 14:11

Maaga, fo suun ole na fiɗel le na toroxandaa a den xan a naag kiw a yoɗoox boo xoo. We na mbaɗooxaa a Ɓaanoor fo nitaal um koy, fo xuu andoona yee a daawa o ñaas ole no gon um, weene fop njegkee a ñootnax ñaal fo o yeng.

Mbeeñil 14:9

Malaaka fa ndadkandeer a reefana malaaka ƭik eetaand ke, a lay a maak ee: «Oxuu faɗooxna a Ɓaanoor fo nitaal ne ten, soo a daaw o ñaas um na tagid um mbaat no ɓay um,

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

Mbeeñil 13:2

Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mbeeñil 16:2

Malaaka fa eetaand fee a gara, a ɓax o mbeeƭ um a lanq. Maaga, a ƭoy a paaxeer a ƭomu a ndama wiin we saq’ina o ñaas ole Ɓaanoor, too a mbaɗooxoogu nitaal ne ten.

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.