Mbeeñil 13:10 - NQAARIIT NE ROOG

¹⁰ Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Mbeeñil 13:10 Referans Kwoze

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Mbeeñil 14:12

Ten taxu we mbogna na Roog, a ngeek kebil um, a ngim na Yeesu, a mbara o lalit o saƭkel.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

Esayi 33:1

Sabab took of, wo xe na yaqaa, too yaq’aandee, hodaa, too mosaandee o hod. O yaqangaa boo ƴut, xan o yaqel, o hodangaa boo ƴut, xan o hodel.

Hebre 6:12

I mbugee nu tayil, ndaa fat nu laalaa we ngimna na Roog, too a muñ, yaam kaa ndaawaa ke Roog a regitna.

Mbeeñil 2:2

Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.

Mace 26:52

Maaga, Yeesu a layaan ee: «Nomti laƥ ne no xool um, yaam we na njangkaa laƥ, laƥ na warkaa den.

Yeremi 43:11

Xan a gar, a xaw saax le Misira: Oxe lafooxaneena fa nqon, xan a jof na fa nqon, oxe lafooxaneena mbaƭ, a jof no mbaƭ, oxe lafooxaneena laƥ, a jof no laƥ.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.

A ƭomatax ake 3:26

A faaxa ndax o kiin oxe a cungaa ƈufig no Yaal oxe fo o muñ.

Mbeeñil 3:3

Wetandooxi boog ne daawtoona fo ne nantoona fa lay fee Roog. Gayeen, too fes pakaad of a cinj. O yokooxangee, xam gar nen o kuuɗ. Xam yen took of na waxtu faa foogooxkeeraxamoona.

Mbeeñil 2:19

Kaa tee: Andaam a pi of fop. Andaam itam o mbeq of fo o ngim of fo a koorgoorlax of no dimle’aa lakas we fo o saƭkel of. Andaam koy o mat ee ke o jalaa ndiiki hupu ke jaloogoona no mberaandoong naa.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

Esayi 14:2

Xan qeet mayu a ndimle Ii-isra’el we da nomtoox no saax le o Yaal oxe a ci’na a den, too xan qeet keene a njalantaa a den teen nen dag fo jeefeer. Xan Ii-isra’el we a ndam mbaƭ we ndam’ina a den mbaƭ, too xan a kelfa we ñaatlandoogna a den.

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Esayi 26:21

yaam o Yaal oxe xey a sutooriidaa no ngenand um, ndax ta xaw we ngenna no lanq ke yaam tooñ den. Lanq ke xan a mbeeñil fo’oy le ɓaxooxna teen too singkatee we mbareena.

Mbeeñil 11:18

Qeet ke fop kaa mbuux’u boo a mbuɓaa, ndaa waxtu fee waroona o fuux fa waxtu fee waroona o hate we nqonna a fadiida. Waxtu fee waroona o saɗig dag we wo na njo’tanang, waxtu fee o saɗigkaa we mbogna na wo, a saɗarong, ta ref yaal toole ke mbaat we neewna doole, a fadiida. Waxtu fee waroona o gef we na ngefaa adna fee a fadiida.»

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Mbeeñil 17:11

Ɓaanoor fee ñoowoogna yaaga koy too maadatee, ten refu o maad ɓetuu tadkandeer oxe, ndaa a fog’a itam no maad ɓetuu ɗik eetaand we, too xan a ɓisel na saŋkax alaa.