Mbeeñil 13:1 - NQAARIIT NE ROOG

¹ Cinj kaaga, ga’aam a Ɓaanoor a sutooraa no maag olaa. A saq’a xa can xarɓaxay fo a qoox ɓetaa ƭaq, o jan oluu refna a saq o ndip, a kon a benir a Roog a mbindel na qoox ake ten.

Mbeeñil 13:1 Referans Kwoze

Mbeeñil 12:3

O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

Mbeeñil 17:3

Yiif le Roog a gifaxam, soo malakaa fee a ɓisaam na koƥ-a-ƥor alaa. Ga’aam maaga o tew oxaa moofna took Ɓaanoor fa daalde’u fee, a may fo a kon a benir a Roog bo, a saq a qoox ɓetaa ƭaq fo xa can xarɓaxay.

Mbeeñil 11:7

A yegnitangaa nduleer den boo a ƈut, xan Ɓaanoor fee na sutoorkaa na ngas fiɗel ale a song a den, a maaf a den, soo a war a den.

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Mbeeñil 15:2

Cinj kaaga, ga’aam kaa na nandtaa o maag o wendu laa fokatoorna fo fiɗel. Ga’ahinaam we maaf’ina a Ɓaanoor fo nitaal um fo limel ne fodirna fo gon le ten. Kaa ngeenoox’u took o maag o wendu le, a saq fo nqilimb ne Roog a coox’ina a den.

Mbeeñil 17:5

Gon a bind’e na tagid um, ndaa kunpa a reeƭu. Gon kunpa’u leene refu: «Babilon fa maak, yaay fee na caga ke, a ref yaay no wiin we na mbi’aa cednooxu.»

Mbeeñil 13:11

Cinj kaaga, ga’aam ɓaanoor fa lakas faa ɗuqtooritna kam lanq ke. Xa can xa ƭaq axaa na nandtaa xa can mbaal a saq’u, a laytaa nen Niŋki-naŋka.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 13:15

Ɓaanoor fa ƭikandeer fee a ci’e o ɓek o laaw olaa na fiɗaa no nitaal ne nandna fa Ɓaanoor, ndax nitaal neene a waag fa lay, a waag o fi boo we mbaɗooxkeerna nitaal ne nandna fa Ɓaanoor a nqon.

Mbeeñil 16:13

Cinj kaaga, ga’aam cini tadik kaa na nandtaa a paaɓ, a sutooraa no don ole Niŋki-naŋka fo no don ole Ɓaanoor fo no don ole no tuleer o maamaaɓ oxe.

Mbeeñil 19:19

Cinj kaaga, ga’aam a Ɓaanoor fo maad we na adna fee fo a yaj no yaal kumnax den a mbokatoor, ndax da ñoxor fo Xe ŋaay’ina bari ne fo yaal kumnax um.

Dañel 2:41

Takir ke fo qol ke no nitaal neene ga’oona da ndef ƭok fo njelem, kaa tekit ee maat neene yoonkee a ndeer den. Kaa koy, xan a jeg no ten kaa saƭikna nen njelem, ne ga’toona njelem ne a jaxasoor fo ƭok ke.