Mbeeñil 12:9 - NQAARIIT NE ROOG

⁹ Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 12:9 Referans Kwoze

YEGIL MBAAX NE YEESU ne Lik a bindtuuna 10:18

Yeesu a laya a den ee: «Ga’aam a Saytaane ta yentiidaa na asamaan nen o hiiñ.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Esayi 14:12

Nam keene a waagoortu? Wo oxeene yentiidaa took-ee-took asamaan, wo o xoor mbuyukuun ole, wo o mbuŋa. Maafee a lanq, wo o maamaaf oxe na saax ake!

Mberaand 3:1

No muumeen ke o Yaal oxe Roog a sak’ina fop, da ndef na koƥ ale, fangool fee moƴ’u o ƴiƴ teen. A laamta o tew oxe yee: «Ndax no ndigil Roog kaa lay ee nu moɗkee xa tim axe no taxar ke na ƭing ale fop?»

Mbeeñil 12:7

Neene, xire a dalfooxa o jeg na asamaan. Mika’el fo malaaka um a ñoxora fa Niŋki-naŋka, too Niŋki-naŋka fo malaaka um a ngomra fa den itam.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Esayi 65:25

A teeteem ale fo o mbaal onqe xan a yoon a suufaa, njogoy ne a ñaamataa boob nen nqoox, soo fangool fee a ñoowtataa fo ut ole. Paaxeer mbaat yaq fa leng fi’kataand took o joong o tedu le mi boo ta xet.» Keene o Yaal oxe a layu.

Mbeeñil 20:8

Maaga, xan a sutoox ndax ta nax qeet ke kam adna fee fop. Den ndefu Gog fa Magog. Xan a fokat a den, da mayit nen pep lanq na ƥeeraamb o maag, da ndet a ngomrikel.

Mbeeñil 12:3

O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

Mbeeñil 9:1

Cinj kaaga, malaaka fa ƥetkandeer fee a luuƥa. Ga’aam o xoor a yentiidaa na asamaan, a waaƭiidaa a lanq. Kaa coox’el o jaafu le na ngas fiɗel alaa.

Mbeeñil 2:24

Nuun lakas we mbogna no mbokatax ne no gimu we Tiyatiir o mat, andaam ee nu ndamooxee na cangin a koɓong aleene fo ke da nqoyaa kunpa qooɗu ke Saytaane. Mexe layaa a nuun boog ee gadinkiim a nuun a toq a lakas.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

2 Korint 11:14

Kaa koy, o njaaxɗataan jegee teen, yaam Saytaane fa xoox um sax kaa fi’ooxaa malaaka fa mbogu na qoolaand.

2 Korint 2:11

ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

YEGIL MBAAX NE YEESU ne Lik a bindtuuna 22:3

Maaga, Saytaane a roka na Yudaa fee xoyoogeena o Iskariyot oxe reeƭna o leng no xarɓaxay fo ɗik waa.

YEGIL MBAAX NE YEESU ne Lik a bindtuuna 8:12

Ke samna na ƭat ale koy, refu wiin we na nanaa fa lay fee, soo o ƈiƴ oxe a gar a watin fa lay fee duufeena na qeeñ den, yaam ndik da ngim, a muc.

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

Mace 4:8

O ƈiƴ oxe a dakooxaan o ɓis took o joong o jigdu lool, a lalin maat ke ndefna na adna fee fo kalal ke den fop,

Mace 4:5

Cinj kaaga, o ƈiƴ oxe a ɓisaan kam teeru fa maak fa tedu faa refna Yeerusaleem. A sipaan took Mbind Roog naa,

Mace 4:1

Maaga, Yiif le Roog a ɓisa a Yeesu kam a koƥ-a-ƥor alaa ndax o ƈiƴ oxe a fogin.

Esayi 27:1

A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.

Mberaand 3:13

Maaga, o Yaal oxe Roog a laamta o tew oxe yee: «Xar taxu o fi keene?» O tew oxe a doonaan ee: «Fangool fee mat naxaxam bo um moɗ o rim ole no ndaxar ne.»

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Mbeeñil 13:14

Kaa mo’andoogu we ngenna na adna fee fo xa anddiloor axe ta ci’eena o fi’aa mbaambir Ɓaanoor fa eetaand fee. Naaga, a laya we ngenna na adna fee da mbi nitaal naa nandna fa Ɓaanoor fee laƥ a gaañ’ina, too yaqanee ta maad o ñoowaa.

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

Mbeeñil 3:9

Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

Yudaa 1:9

Too keene fop koy, Mika’el fee refna o leng no kelfa ke no malaaka ke fi’iran. Ye ta ñimatiraa fo o ƈiƴ oxe, a jaɓraa fo ten o dal ole Moyiis, saɗ’iran o ɓanj, ne’katiim o wenin. Kaa lay’un soom ee: «Yaasam o Yaal oxe a xawong.»

Hebre 2:14

Yaaga koy, ne xa teɓandoong axeene a ndefna cer fo fo’oy, Yeesu fa xoox um a refaan nen a den, a fog fa den o mem no kiin. A fi’aan, ndax na pexey fa nqon um ta saŋik o ƈiƴ oxe jegna doole fa nqon.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

1 Timote 2:14

Refee itam ee Aadama nax’e. O tew oxe o mat a reeƭu, too ten nanaƭar’u a Roog.

2 Tesalonik 2:3

Ba nu njaɓ o kiin a nax a nuun no kuu ta waagna o ref. Boo ñaal neene a helko fo garaa koy, xan a soƥ wiin mayu a siiknoor fa Roog, soo mbir ne no njofaƭar ne a feeñ, ten fee jagandaneena a saŋkax ale.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

A pi ake 5:3

Maaga, Piyeer a laamta a Anañaas ee: «Ndi xar taxu Saytaane a mayƭand xeeñ of boo o maaɓaa Yiif Tedu le? Xar taxu o ɗasin a seek a leng ale na xaaliis fee o qol ole a watna?

YEGIL MBAAX NE YEESU ne Saŋ a bindtuuna 16:11

a lal a den hate, yaam o maad adna feeke a hate’e boo a ƴut.

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

YEGIL MBAAX NE YEESU ne Lik a bindtuuna 13:16

O tew oxeeke andoona yee o ndaan Abraham oo, too Saytaane a dam’un boo xa kiid xarɓaxay fo xa kiid ɓetaa tadaq, ndax waagaand o wodand na bes fee na ñootnax ale?»

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

Mace 13:39

O pañ oxe duufuuna refu o ƈiƴ oxe, a saxad ale refu paangandoong adna. Saasaxad we koy ndefu malaaka ke.

1 Caloori ke 21:1

Bes, Saytaane a hebooxaa o fi a Isra’el paaxeer, soo a riñ a Dawid ta lim Ii-isra’el we.

Mbeeñil 18:2

A falalooxa a maak ee: «Koo a jiƭtooxa, a jiƭtooxa yoo! Babilon fa maak fee! A refata ngenand cini fo o jaɓnoorand o xos a yiif a paaxeer akuu ndefna fo o xos tiiƭ tiimbel kuu ndefna too a sibdel.

Heseki’el 28:16

O njiriiñ onqe no njula ne wo a taxa o may muut fo a ƭom-yedar too bakaadaa. Suttaaxoong no joong ole Roog soo moocandong, wo mbindel yeeyetax ne, a ndeer a ƥil a sumu jip ake.

Mbeeñil 18:23

O jam kaƥkatee me wo, too o ñuxur no waa na sogaa ndolnir nanitkataand na wo. Jula we wo koy moƴ’u o njeg doole na adna fee, too kaa naxtoogu qeet ke fop pan ne wo.»

A kim a tedu ke 109:6

Kaa da layanaxam ee: «Fat a fokatel fo o soxodu, o caajamb a fodin na ñamaak.

Mbeeñil 12:8

Kaa koy, Niŋki-naŋka a xawe, too ci’ataand ten fo malaaka ke ten sañ-sañ faa da ndefitna na asamaan.

Mbeeñil 12:12

Ten taxu, wo asamaan fo nuun we ngenna teen, mbelakinooxyo! Kaa koy, ndaw naqad took lanq ke fo o maag ole, yaam o ƈiƴ oxe a fudooxiida me nuun. Kaa fuux boo a buɓaa, yaam a anda yee jamaane um miñkatee.»

2 Caloori ke 18:21

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »