Mbeeñil 12:8 - NQAARIIT NE ROOG

⁸ Kaa koy, Niŋki-naŋka a xawe, too ci’ataand ten fo malaaka ke ten sañ-sañ faa da ndefitna na asamaan.

Mbeeñil 12:8 Referans Kwoze

A kim a tedu ke 37:10

Te paam rek, o soxodu jegkatee. Xan o ɗeet me ta reeƭna, ndaa ga’kiro o leng.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

A pi ake 1:25

ndax ta rondand a Yudaa na seek um ale refna calel apootar kene ta xaƴna, soo a xaad me ta jegeena.»

Mace 16:18

Mi koy, mexe layang ee: Wo refu Piyeer. Took ɓil leene um maxkaa o fog ole no gimu we mi. Fa nqon fee sax waagankiran dara.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

A kim a tedu ke 129:2

ñagadileem ƭomu no kaa xotitna no ndeƥandoong es, ndaa waagaandeem dara.

A kim a tedu ke 13:4

O Yaal oxe Roog es, ngela ɗeeti, jaaɓaam. Xooldandi a kid es, ndax ɗaankiim o ƭaan o yokooxkaand,

Ke bindeena no xe ne’eena YOB 20:9

A ngid ale ɗeetooguuna ɗeetkatiran, o mbiñ onqe ta gen’ina ga’katiran.

Ke bindeena no xe ne’eena YOB 8:18

A fuurtange koy me ta refna, o mbiñ onqeene a naagaan o xañaa yee: «Mosiroong o and.»

Ke bindeena no xe ne’eena YOB 7:10

Nomtooxiidkatee no mbind um, too gentand um xan a mbeecin.

Mbeeñil 12:7

Neene, xire a dalfooxa o jeg na asamaan. Mika’el fo malaaka um a ñoxora fa Niŋki-naŋka, too Niŋki-naŋka fo malaaka um a ngomra fa den itam.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.