Mbeeñil 12:7 - NQAARIIT NE ROOG

⁷ Neene, xire a dalfooxa o jeg na asamaan. Mika’el fo malaaka um a ñoxora fa Niŋki-naŋka, too Niŋki-naŋka fo malaaka um a ngomra fa den itam.

Mbeeñil 12:7 Referans Kwoze

Yudaa 1:9

Too keene fop koy, Mika’el fee refna o leng no kelfa ke no malaaka ke fi’iran. Ye ta ñimatiraa fo o ƈiƴ oxe, a jaɓraa fo ten o dal ole Moyiis, saɗ’iran o ɓanj, ne’katiim o wenin. Kaa lay’un soom ee: «Yaasam o Yaal oxe a xawong.»

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.

Dañel 10:13

Malaaka fee na yetooxaa maat ne Persi koy, a kandaxam boo ñaal qarɓeen ƭik fo ñaal leng, ndaa Mika’el fee o leng no kelfa ke no malaaka ke a ƴufgiidaxam. Keene geek’axam boog paam no maad we Persi.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

2 Tesalonik 1:7

soo nuun we toroxandeena, ta ci a nuun a ñootnax, a ci’in a in itam. Xan Roog a fadin keene fop, yaa o Yaal oxe Yeesu a inooritkaa na asamaan, a yoon fo malaaka cegu katil ke ten,

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

Mbeeñil 13:7

A ci’e o maafir fo we mbogna na Roog, ndax ta maaf a den. A ci’e sañ-sañ no tim oluu refna fo no saax luu refna fo na lak fuu refna fo na xeet fuu refna.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Mace 13:41

O Ƥeenqe no kiin oxe xan a luliid malaaka um, ndax da ƈas kam Maat um we na tolofnooraa wiin we fo we na mbi’aa cofaƭaru.

A kim a tedu ke 78:49

fuux ɗomu le ten a biltooxana a den, ta fuux boo a buɓaa, a sayan a den, a hebliid took den a yaj no malaaka yaayaq.

Mace 26:53

Ndax kaa foogiro yee waagaam o xeɗ a Faap es, too yaaga xan a cooxaam ndak fo ndak malaaka kaa ngupna a yaj xarɓaxay fo a yaj a ƭak, a yaj aluu refna a jeg malaaka cuni ɓetuu fa leng?

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

Esayi 55:4

Fi’’aanum o seede no qeet ke, dalnin nen kelfa fo o yaal a saax ake.

Esayi 34:5

Laƥ ne mi kaa xeƴit na asamaan soo a fudooxaniidaa a Edoom, xeet fee kesanuuma a saŋkax ale, ndax um hate’in.

Hebre 2:10

Oxe sakna fop, a jeg fop, a buga o ɓis xa ƥiy xa mayu da mbog no ndam um. Ten taxu ta fi boo o Cofu xe waagna o fadin a muc ale den a ñak sik na pexey coono ke.

Mbeeñil 12:8

Kaa koy, Niŋki-naŋka a xawe, too ci’ataand ten fo malaaka ke ten sañ-sañ faa da ndefitna na asamaan.