Mbeeñil 12:5 - NQAARIIT NE ROOG

⁵ Maaga, o tew oxe a ñoota o ƥiy o ngoor onqe na gayitkaa qeet ke fop o samb njelem. Kaa koy, o nqeq onqe ten a gife, too a ɓisel paam Roog fo gamb no maad le ten.

Mbeeñil 12:5 Referans Kwoze

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 12:2

Kaa reeƭu na pe um, soo a foygooxaa, yaam ne ta gaajooxoogna.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Mbeeñil 11:12

Maaga, duleer ɗik we a nana o ñuxur olaa inoorna na asamaan, a lay ee: «Ŋaayiidyo mene!» Naaga, a ŋaaya na asamaan kam eel, soo fañ we den a ndef no ƭeetaa a den.

Mace 1:25

Kaa koy, mos’ee o and ke ta refna boo neen a ñootu o ƥiy o ngoor onqaa, too a ne’aan Yeesu.

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

2 Korint 12:2

A jega kerceen faa and’uuma, a fi’a xa kiid xarɓaxay fo xa kiid xa nahaq ndiiki, andiim ndax fo cer um a reeƭu, too andiim itam ndax reeƭee fo cer um, Roog soom andun. O koor oxeene a yoɗe boo na asamaan fa ndadkandeer faa.

Mark 16:19

Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

Yeremi 31:22

Kaa o gapko wirlooxaa boo a mban, o ndoog o nanaƭaru nqe? Yaam o Yaal oxe xe sakaa qas took lanq ke: O tew oxe na waaƭataa o koor oxe.

Esayi 66:7

«Ye ta helkaa fo gaajoox, a ñoota, ye xa ƭomel axe a ngelkaa fo ngar, a soƥa ta ñoot o ƥiy o ngoor!

2 Korint 12:4

O koor oxeene a yoɗe na arjana. Maaga, a nana xa ñuxur axaa mbaag’aandeena o laalat, too o leng ci’aand, ndax ta waag o jeepeet a den.

Mbeeñil 12:13

Ye Niŋki-naŋka a ga’na yee a joore a lanq, a refa no ɓeedaa o tew oxe ñoot’ina o ƥiy o ngoor onqe.