Mbeeñil 12:4 - NQAARIIT NE ROOG

⁴ A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Mbeeñil 12:4 Referans Kwoze

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Mbeeñil 9:19

Doole fee no pis ke, kam xa ton axe fo na las ake a reeƭu. A las ake den kaa nandtoogu pangool kaa njegna a qoox, too den a mbi’toogu wiin we paaxeer.

Mbeeñil 9:10

Kaa njeg’u a las akaa saqna xa peen nen a beex ake. Na las den akeene koy, doole fee da mbi’taa wiin we paaxeer boo a qool a ƥetak a reeƭu.

Mbeeñil 8:7

Malaaka fa eetaand fee a luuƥa, too kaa nandna nen a kalam a ƥuuɓu fa fiɗel laa fokatoorna fo fo’oy a yuuriida a lanq. Keene a taxa boo a qaaj a tadkandeer ale no lanq ke fo ale no taxar ke fo daaƭ le na xuƥaa fop a dox.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

A sutax ale 1:16

Kaa lay’u a den ee: «Bo nu ngaajnaa rew we no Hebre we, yaa da ñootaa, fat nu ƭeet boo nga, o ƥiy onqe a refangaa o koor, fat nu mbarin, a refangaa o tew koy, fat nu mbuusin.»

Mbeeñil 17:18

Kaa jolna keene, o tew oxe ga’oona refu teeru fa maak fee na maadooxaa took no maad we na adna fee.»

Esayi 27:1

A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.

Mbeeñil 8:8

Malaaka fa ƭikandeer fee a luuƥa. Kaa fi’na nen o joong olaa na kaƥaa a girdooxa kam o maag olaa, too a qaaj a tadkandeer ale no maag olaa a suptooxa fo’oy,

Mbeeñil 8:9

a qaaj a tadkandeer ale no pindel ke na ñoowaa kam o maag olaa fop a nqon, a qaaj a tadkandeer ale na kaal ake fop a nduguñoox.

Mbeeñil 8:10

Cinj kaaga, malaaka fa ndadkandeer fee a luuƥa. O xoor o maak olaa na kaƥaa nen o jam a yentiida na asamaan, a dal took a qaaj a tadkandeer ale na xa maag axe fo na xa quluɓ axe.

Mbeeñil 8:11

O xoor oleene koy, nqaaɗaan a ne’e. A qaaj a tadkandeer ale no poofi ke a nqaaɗa, too wiin mayu a nqona a cinj ye da yerna na foofi leene, yaam kaa jeg’u daŋat.

Mbeeñil 8:12

Cinj kaaga, malaaka fa nahkandeer fee a luuƥa. Naaga, a qaaj a tadkandeer ale na qoor ale fo ale na xa qoor axe a nqawe, boo oxuu refna na den, a qaaj a tadkandeer ale na qoolaand um a mo. Jeg’atee a qoolaand na qaaj a tadkandeer ale no ñaal ne fo ale no yeng ole.

Mbeeñil 12:7

Neene, xire a dalfooxa o jeg na asamaan. Mika’el fo malaaka um a ñoxora fa Niŋki-naŋka, too Niŋki-naŋka fo malaaka um a ngomra fa den itam.

Mbeeñil 13:2

Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

Mbeeñil 13:4

Adna fee fop a mbaɗooxooga a Niŋki-naŋka, yaam ne ta doxin’ina a Ɓaanoor sañ-sañ um. Kaa mbaɗooxoogu a Ɓaanoor itam, too a layaa yee: «An nandu fa Ɓaanoor? Ndi an waagu o maafir fo ten?»

Mbeeñil 16:13

Cinj kaaga, ga’aam cini tadik kaa na nandtaa a paaɓ, a sutooraa no don ole Niŋki-naŋka fo no don ole Ɓaanoor fo no don ole no tuleer o maamaaɓ oxe.

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.