Mbeeñil 12:3 - NQAARIIT NE ROOG

³ O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

Mbeeñil 12:3 Referans Kwoze

Mbeeñil 17:12

Xa can xarɓaxay axe ga’oona, maad xarɓaxay waa ƥoxotafulaandeena maat den a ndefu. Kaa koy, xan a ci’el sañ-sañ faa da maadoorna fa Ɓaanoor boo waxtu fa leng soom.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.

Mbeeñil 17:7

Maaga, malaaka fee a layaxam ee: «Ndi xar taxu keene a betong? Xam layong ke kunpa fee no tew oxe fa kunpa fee Ɓaanoor ta moofna a tekitna, Ɓaanoor feene jegna a qoox ɓetaa ƭaq ake fo xa can xarɓaxay axe.

Dañel 7:24

Xa can xarɓaxay axe kaa ndef maad xarɓaxay waa na mbeeñkaa no maat neene. A cinj den, xan o maad o lakas oxaa jektirna fa den a feeñ, a maaf daduk na den.

Dañel 7:20

Laamtoogaam itam no kaa farna na xa can xarɓaxay axe ɓaanoor fee a jeg’ina no xoox um fo no njan onqe sax’ina, soo xa can xa tadaq a mbuuroorit mbaambir um, o njan onqeene saq’ina a kid no kiin fo o don olaa laytoogna a magnandax soo a nandtaa olaa moƴna o magin xa lakas axe.

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.

Mbeeñil 12:4

A laca fo a las um na qaaj a tadkandeer ale na xa qoor axe na asamaan, a yurdiid a den a lanq. Niŋki-naŋka a geenooxa paam o tew oxe gaajooxoogna, ndax oxaa mucaa ta ƴax o nqeq onqe.

Mbeeñil 12:1

O anddiloor o maak a feeña na asamaan: Ga’aam o tew oxaa hulooxna njeeƈ ne, a qoor ale a ref ɗuga a caf um, soo a rokoox o ndip onqaa saqna xa qoor xarɓaxay fo xa qoor xa ƭaq.

Mbeeñil 16:13

Cinj kaaga, ga’aam cini tadik kaa na nandtaa a paaɓ, a sutooraa no don ole Niŋki-naŋka fo no don ole Ɓaanoor fo no don ole no tuleer o maamaaɓ oxe.

Esayi 51:9

Yokooxi, a ñamaak ale no Yaal oxe! Ñofi yokoox! Rokooxi katil! Yokooxi nen a pe ake yaaga, no camaane ke mbaafna. Ndax refee yee wo maafu a Rahab junjang, wo dib’u a Niŋki-naŋka boo ta suur?

Esayi 27:1

A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.

Mbeeñil 19:12

A kid um kaa miric-miricnoogu nen aal fiɗel, soo ta rokoox fo ndip fo mayu. A saq’a koy gon binde laa o leng a andeerna a refangee ten.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.

Dañel 2:42

Qol ke andoona yee njelem fo ƭok kaa njaxasoor’u teen kaa laltaa yee a seek a leng ale no maat neene xan a saƭik soo a seek a lakas ale a yooɓ o feñexu.

Mbeeñil 12:7

Neene, xire a dalfooxa o jeg na asamaan. Mika’el fo malaaka um a ñoxora fa Niŋki-naŋka, too Niŋki-naŋka fo malaaka um a ngomra fa den itam.

Mbeeñil 12:13

Ye Niŋki-naŋka a ga’na yee a joore a lanq, a refa no ɓeedaa o tew oxe ñoot’ina o ƥiy o ngoor onqe.

Mbeeñil 13:1

Cinj kaaga, ga’aam a Ɓaanoor a sutooraa no maag olaa. A saq’a xa can xarɓaxay fo a qoox ɓetaa ƭaq, o jan oluu refna a saq o ndip, a kon a benir a Roog a mbindel na qoox ake ten.

Mbeeñil 13:2

Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

Mbeeñil 13:4

Adna fee fop a mbaɗooxooga a Niŋki-naŋka, yaam ne ta doxin’ina a Ɓaanoor sañ-sañ um. Kaa mbaɗooxoogu a Ɓaanoor itam, too a layaa yee: «An nandu fa Ɓaanoor? Ndi an waagu o maafir fo ten?»

Mbeeñil 15:1

Cinj kaaga, ga’aam na asamaan o anddiloor o lakas o maak o jom’andtu: Malaaka ɓetuu ƭik a ndeeƭu, a saq taamaala ɓetuu ƭik. Taamaala keene mbalak’u yaam na den fuux le Roog a dayu.

Dañel 2:41

Takir ke fo qol ke no nitaal neene ga’oona da ndef ƭok fo njelem, kaa tekit ee maat neene yoonkee a ndeer den. Kaa koy, xan a jeg no ten kaa saƭikna nen njelem, ne ga’toona njelem ne a jaxasoor fo ƭok ke.