Mbeeñil 12:12 - NQAARIIT NE ROOG

¹² Ten taxu, wo asamaan fo nuun we ngenna teen, mbelakinooxyo! Kaa koy, ndaw naqad took lanq ke fo o maag ole, yaam o ƈiƴ oxe a fudooxiida me nuun. Kaa fuux boo a buɓaa, yaam a anda yee jamaane um miñkatee.»

Mbeeñil 12:12 Referans Kwoze

Mbeeñil 8:13

Ga’aam too nanaam a canjiik alaa na yetaa na asamaan, a layaa a maak ee: «Sabab! Sabab! Ndaw sabab took we ngenna no lanq ke yaa a luuƥ ake no malaaka tadik lakas ke a njibkaa!»

Esayi 49:13

Wo asamaan, lalti o ɗaay of, lanq ke, mbelakinooxyo, nuun xa coong axe, mbecooxyo fo xa ƈeel, yaam o Yaal oxe xe yaalaa xeet um, soo a yirmaa toroxu we ten.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mbeeñil 10:6

A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!

Mbeeñil 11:10

Maaga, xan adna fa muum a mbelakinoox, too a ndef no ɗaay na fa nqon fee no seede ɗik weene. Xan a lultiraa a ƭang a ndeer den, yaam duleer ɗik weene njom’andoogna adna fee.

Mbeeñil 9:12

A ƭomaand a eetaand ale a faafa. Cinj kaaga, a ƭomaand a ƭak a lakas a mbarahina o ngar.

YEGIL MBAAX NE YEESU ne Lik a bindtuuna 15:10

Neene itam, mexe layaa a nuun ee: Xan o ɗaay o maak a jeg mbaambir no malaaka ke Roog yaam o paabakaad o leng kut oxaa fesna pakaad um a cinj.»

Mbeeñil 11:14

A ƭomaan a ƭikandeer ale a faafa, ndaa a tadkandeer ale oxe garaa no ñofu, mbootooxyo boog!

2 Piyeer 3:8

Kaa koy, nuun we fexuuma, a jega tig leng kaa nu mbareerna o ñak-o-and, ten refu yee: Mbaambir no Yaal oxe, bes fa leng kaa ref nen xa kiid juni, soo xa kiid juni a ndef nen a bes fa leng.

Hebre 10:37

yaam a Pind a Tedu ke a laya yee: «Ndeer mene fo a pe a miñeer, oxe warna o gar xan a gar, too gulooxkee muk.

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

Esayi 44:23

Asamaan, lalti o ɗaay of, yaam o Yaal oxe fi’u keene. Nuun qooƭ ke no lanq ke, mbelakinooxyo. Nuun xa coong axe fo a suungaan ake fo taxar den, mbecooxyo too ndef no ɗaay, yaam o Yaal oxe a wata a Yakoob, a feeñil o ndam um na Isra’el.»

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 13:6

A dalfooxa o xasanaa a Roog, a wenaa gon um fo ngenand um fo fop we ngenna na asamaan.