Mbeeñil 12:11 - NQAARIIT NE ROOG

¹¹ Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

Mbeeñil 12:11 Referans Kwoze

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

1Saŋ 5:5

An refu oxe maafna adna fee, a refangee oxe gimna yee Yeesu refu o Ƥeenqe Roog?

1 Korint 15:57

Kaa koy, Roog a fi’a jam, ten fee fapitna a in doole fee Yeesu Kiristaa o Yaal in boo i maaf.

Mbeeñil 2:26

Neene, oxe na maafkaa koy, a gen no fi’aa ke buguuma boo no muukandoong naa, xam lasin qeet ke da ndef na sañ-sañ um,

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

Mbeeñil 11:7

A yegnitangaa nduleer den boo a ƈut, xan Ɓaanoor fee na sutoorkaa na ngas fiɗel ale a song a den, a maaf a den, soo a war a den.

Mbeeñil 1:2

Keeke refu ke Saŋ a woorinna: Fop ke ga’uuma fa lay Roog oo fa seede Yeesu Kiristaa.

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 6:9

Cinj kaaga, o Mbaal onqe a ñaƥta o ñaas o ɓetkandeer ole. Maaga, ga’aam yoora o sadaxand ole xa laaw axe no we mbar’eena yaam ne da yegnitoogna fa lay fee Roog fo ke da seede’anoogna a Yeesu no cofel.

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.