Mbeeñil 12:10 - NQAARIIT NE ROOG

¹⁰ Cinj kaaga, nanaam o ñuxur o maak olaa inoorna na asamaan, a layaa yee: «Ndiiki koy, a muc ale a fadiida, yaam Roog in a feeñla katil ne no Maat um. O Muumucil oxe ta regitna a feeñla sañ-sañ fee ta jegna, yaam o caajamb oxe geenoox’ina mbaambir Roog, a jambaa fog gimu we in ñaal fo yeng a foore tafil.

Mbeeñil 12:10 Referans Kwoze

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

1 Caloori ke 29:11

O Yaal oxe, wo jegu o magnel fa katil fo o mosel fo o ndam fo o niwel. Fop ke refna na asamaan fo took lanq ke wo jegun, yaam wo refu o maad, o Yaal oxe no pindel ke fop.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Ke bindeena no xe ne’eena YOB 1:11

Duqangi rek o jeg ole ten fop boo ga, a wooraxam ee yaaga ta salooxong o nanaa.»

Ke bindeena no xe ne’eena YOB 1:9

Saytaane a doona o Yaal oxe yee: «Ndax o ƥor o ƥor taxu Yob a saɗarong?

Mbeeñil 2:26

Neene, oxe na maafkaa koy, a gen no fi’aa ke buguuma boo no muukandoong naa, xam lasin qeet ke da ndef na sañ-sañ um,

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

YEGIL MBAAX NE YEESU ne Lik a bindtuuna 11:2

Yeesu a laya a den ee: «Boo nu nqeɗaa, layyo yee: Faap, yaasam gon of a tedleel! Yaasam maat of a fadiid!

Mace 26:64

Yeesu a doonaan ee: «Wo ne’un! Too mexe layaa a nuun ee: Xan nu nga o Ƥeenqe no kiin oxe a moof na ñamaak Roog o Yaal katil, soo a garaa took a eel ake, a inoortiid na asamaan.»

Mace 6:10

Yaasam maat of a fadiid! Yaasam ke bugoona a jeg na adna nen na asamaan!

A kim a tedu ke 22:28

A qalaat no qeet ke moƴna o liitoox sax xan a nqox no Yaal oxe, soo da nomtooxiid me ten. A qaw ake na saax ake fop xan a ngung mbaambir um,

Ke bindeena no xe ne’eena YOB 2:5

Duqangi rek cer um boo ga, a wooraxam ee yaaga ta salooxong o nanaa.»

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

1 Korint 5:4

Yaa nu mbokatoorkaa no gon no Yaal oxe Yeesu, a soƥ yiif es fa katil Yeesu fee o Yaal in a ndef fa nuun,

A kim a tedu ke 45:6

O maad oxe, a kas ake wo a mbeela, xan qeet ke a yen na caf of, fañ of a ndoomel na qeeñ.

Mbeeñil 7:10

Maaga, kaa mbalalooxoogu yee: «A muc ale in kaa inoor na Roog in, ten fee moofna no gamb no maad le, a inoor no Mbaal onqe itam.»

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.