Mbeeñil 12:1 - NQAARIIT NE ROOG

¹ O anddiloor o maak a feeña na asamaan: Ga’aam o tew oxaa hulooxna njeeƈ ne, a qoor ale a ref ɗuga a caf um, soo a rokoox o ndip onqaa saqna xa qoor xarɓaxay fo xa qoor xa ƭaq.

Mbeeñil 12:1 Referans Kwoze

YEGIL MBAAX NE YEESU ne Lik a bindtuuna 21:25

«Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake.

Efees 5:32

Keene ndigil kunpa’u yoo naa jegna o njiriiñ, too a feeñlel kam a pind akeene. Na las es koy, ga’aam ee leng kut oo a ndeer Kiristaa fo o fog ole no gimu we.

Esayi 62:3

No ɓay no Yaal oxe xan o ref nen tañalax mosu, ref nen o ndip no maad no dang o ɓay Roog of.

Mark 13:25

xa qoor axe a yenit na asamaan, too katil ke ndefna na asamaan xan a yo’noox.

A kim ale na kim ake 6:10

«Ndi an oo xene na miric-miricnaa nen o xoor mbeet ole, a mosit nen o nqool onqe, a meleƈtaa nen njeeƈ ne soo a saɗarnoox nen a yaj no xiixire?»

YEGIL MBAAX NE YEESU ne Lik a bindtuuna 21:11

too xan a jeg yo’nax maak no lanq ke fo qeex fo piste na saax a mayu. Xan a jeg tig saɗarnooxu fo xa anddiloor xa maak na asamaan.

A kim a tedu ke 104:2

huloox a qoolaand nen pay. Kaa o letin asamaan fee nen ƭiif,

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

2 Caloori ke 32:31

Kaa koy, no kaa farna no we kelfa ke Babilon a luliid’ina me ten ndax da laamit paru no anddiloor ole jeg’ina no saax leene, Roog a xaƴa a Hiskiya ndax ta ɗeetlooxin boo a and fop ke refna no xeeñ um.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.

Mbeeñil 15:1

Cinj kaaga, ga’aam na asamaan o anddiloor o lakas o maak o jom’andtu: Malaaka ɓetuu ƭik a ndeeƭu, a saq taamaala ɓetuu ƭik. Taamaala keene mbalak’u yaam na den fuux le Roog a dayu.

Mbeeñil 12:3

O anddiloor o lakas a feeña na asamaan itam. Niŋki-naŋka maak yaxgu coy a reeƭu. Kaa jeg a qoox ɓetaa ƭaq fo xa can xarɓaxay, a rokoox o ndip took xoox luu refna.

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

A pi ake 2:19

Xam lalit comlaand took-ee-took, na asamaan fee, fo xa anddiloor a lanq, took lanq ke, ta ref po’oy fo fiɗel fo fo suun olaa fi’na a eel.

Mace 24:30

Maaga koy, xan o anddiloor ole no Ƥeenqe no kiin oxe a feeñit na asamaan. Xan o qeet oluu refna no lanq ke a faɗoox, too xan a nga o Ƥeenqe no kiin oxe a garaa took a eel ake na asamaan, a yoon fa katil fo o ndam o maak.

Sakari 9:16

A koom, xan o Yaal oxe Roog den a mucil xeet um ne o kaynaak a muclitaa ged um. Xan a meleƈaa kam saax le ten nen a ƥil a cafeñu no ndip no maad.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Galati 6:14

Mi o mat, a refangeerna a kurwaa le no Yaal in Yeesu Kiristaa, bugiim o fakoor lakas. Ke yaawooguuma na adna fee fop, yaawatinum, yaam kaam nand nen oxaa xonna, too a kurwaa le Kiristaa soom taxun. Ñoowtatiim ne adna fee a ñoowtaa, too adna fee ñoowtee ne um ñoowtataa.

Mace 12:38

Maaga, leng-leng no jaajangin waa no kebil kaa Moyiis fo Farisiya waa a layaan ee: «O Caajangin oxe, kaa i mbug o fi’an a in o anddiloor.»

Mbeeñil 21:14

Saŋe ne na teeru fee koy na ƥil xarɓaxay fo a ƥil a ƭak a diƈooxu. Na ƥil akeene o mat, a kon ake no apootar xarɓaxay fo apootar ɗik we no Mbaal onqe a mbind’e.

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»

Galati 3:27

Nuun fop, nuun we mbatiise’eena ndax nu mbog na Kiristaa, nu ndokooxaan.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

Galati 4:26

Yeerusaleem faa took koy, refee o paɗ, too ten refu ya in,