Mbeeñil 11:8 - NQAARIIT NE ROOG

⁸ Maaga, xan xa tal den a liilel no nqel naa na teeru fa maak faa, maa o Yaal den a reng’eena. Teeru feene gon le Sodoom fa Misira a naxoorte.

Mbeeñil 11:8 Referans Kwoze

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Mbeeñil 18:21

Maaga, malaaka fa mayu katil a janga ɓil laa fodirna fo uu-un bele, a deɓin kam o maag ole, a lay ee: «Neene o mat, Babilon, teeru fa maak fee a riimitkaa fa doole, too o leng doonkatiran a ngid boo muk.

Hebre 13:12

Ten taxu Yeesu a xonit’u tafil teeru faa, ndax ta tedlandit xeet fee fo’oy um.

Mbeeñil 18:18

Kaa mbuuqoogu ye da nga’na fo suun ole no dox ole ten ee: «E koon, teeru faa nandna nen a teeru fa maak feeke mosee o jeg muk!»

Mbeeñil 11:9

No saax luu refna fo na xeet fuu refna fo no tim oluu refna fo na lak fuu refna xan wiin a ƭeetaa xa tal den boo ñaal tadik fa genwal, too taxkee da njaɓ o ƥoxot a den da ngaskel.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

Mace 10:15

No ndigil, mexe layaa a nuun ee: Na bes faa no nqel naa Roog, saax laa Sodoom fa Gomoor na moƴkaa o yooɓiɗ hate saax laaga.»

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Heseki’el 23:27

Xam ñuf fo njombe ne wo fo njaga ne wo yaaga no saax laa Misira. Ɗeetkatiro farna fa den, too yiif of gomkatee a Misira.

Heseki’el 23:19

A mayƭanda njaga um, yaa ta wetandooxaa jamaane fee no ndeƥandoong um, ye ta jaga’oogna no saax laa Misira.

Heseki’el 23:8

Waasee njaga ne ten yaaga no saax laa Misira, yaam a mbondoox’a fo ten no ndeƥandoong um, a naƥin ƭeen um no ndoog um soo a ƥekin no njaga.

Heseki’el 23:3

A njaga’a Misira ye da ndefaa xa teɓandoong. Ƭeen den a naƥne maaga, kang den a moosel maaga.

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

A sutax ale 20:2

«Mi refu o Yaal oxe Roog of, suttoonga no saax le Misira, me reeƭoona o paɗ.

A sutax ale 3:7

O Yaal oxe a layahina yee: «Ga’aam ne xeet es a xijliteel no saax laa Misira, too nanaam xa buuq den, yaam ne da ñaatlandeel. Kaam ee andaam coono den.

Mberaand 19:24

Maaga, o Yaal oxe a deɓiida took Sodoom fa Gomoor a teƥ nqeen kaa fiɗel a saasinna, ta hatiid na asamaan.

Mberaand 13:13

Wiin we ngen’ina Sodoom koy wiin faaxeer a ndeeƭu, soo a tooñaa o Yaal oxe.

Mbeeñil 18:2

A falalooxa a maak ee: «Koo a jiƭtooxa, a jiƭtooxa yoo! Babilon fa maak fee! A refata ngenand cini fo o jaɓnoorand o xos a yiif a paaxeer akuu ndefna fo o xos tiiƭ tiimbel kuu ndefna too a sibdel.

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

Mbeeñil 14:8

Malaaka fa ƭikandeer a reefana fa eetaand fee, a lay ee: «Koo a jiƭtooxa, a jiƭtooxa yoo! Babilon fa maak fee yerinna qeet ke fop biiñ fee ten, refna a yaaw a paaxeer ake na seeqnooraa.»

Mbeeñil 11:13

Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

Hebre 6:6

soo a mbes o ngim den a cinj. Dara waagatee o tax da ndicooxatin boo a mbes pakaad den a cinj, yaam den fa qoox den kaa ndengatinaa o Ƥeenqe Roog na kurwaa soo a mbennooran no ke da mbi’aa.

A pi ake 9:4

A yena a lanq, too a nana o ñuxur olaa layooguuna yee: «Sool, Sool xar taxu o ñagadilaxam?»

Yeremi 26:23

A sutta a Uriya Misira, a ƥisin maa no maad Yoyakim. Oxeene a warnoortaan laƥ, a deɓnoor o dal ole ten no gasand ole rool we a ngaseel.

Mbeeñil 18:24

Babilon kaa xaw’el yaam fo’oy le no duleer we fo le no we mbogna na Roog fo le no we mbar’eena fop na adna fee kaa soƥel no ten.

Mbeeñil 17:5

Gon a bind’e na tagid um, ndaa kunpa a reeƭu. Gon kunpa’u leene refu: «Babilon fa maak, yaay fee na caga ke, a ref yaay no wiin we na mbi’aa cednooxu.»

Mbeeñil 17:1

Cinj kaaga, fa leng no malaaka ɓetuu ƭik kaa saq’ina fo mbeeƭ ɓetuu ƭik naa a gara a layaam ee: «Gari too xam lalong ne a caga maak ale a hate’itkeel, o ten oxe na moofaa paam poofi maak ke.

Heseki’el 37:11

A layaxam ee: «Wo fee o ƥiy no kiin, xa kiiƈ axeene mbind Isra’el fop oo. Den oo weene a ndamtin ee: ‹Xa kiiƈ axe in a mbeera korong, yaakaar in a yaktoox, i mbagiɗ tak.›

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Mbeeñil 14:20

Xa biiñ axe a nolte kam o nirir ole tafil teeru fee. Maaga, fo’oy a sutoora no nirir ole, a xay boo ngap kilomeet teemeed tadik. O qooɗel um koy a reta boo a waag o laxaaɓ pis.

Mbeeñil 17:18

Kaa jolna keene, o tew oxe ga’oona refu teeru fa maak fee na maadooxaa took no maad we na adna fee.»