Mbeeñil 11:6 - NQAARIIT NE ROOG

⁶ Yaam seede ɗik weene a njega sañ-sañ faa da mbegitna asamaan fee, ndax a teƥ jegkatee no ñaal ke da mbugko o njo’tanaxam. A njega itam sañ-sañ faa da suptitna foofi fo’oy fa sañ-sañ faa da nqawitna adna fee fop xa ƭomel xa pagkatar a mbanuu ta felna a den.

Mbeeñil 11:6 Referans Kwoze

YEGIL MBAAX NE YEESU ne Lik a bindtuuna 4:25

No ndigil, mexe layahinan a nuun ee: A jeg’a ñaaw mayu Isra’el na jamaane Eliya, yaa a teƥ a jeg’eerna boo xa kiid xa tadaq fa genwal, too biim maak a jega no saax laaga fop.

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

1 Sami’el 4:8

Sabab took in! An na mucilkaa a in boog no ɓay ole na Roog fa mayu katil feene? Roog feene mat refu fee xawit’ina Miimisira waa fo taamaala fuu refna kam a koƥ-a-ƥor alaa.

Mbeeñil 8:8

Malaaka fa ƭikandeer fee a luuƥa. Kaa fi’na nen o joong olaa na kaƥaa a girdooxa kam o maag olaa, too a qaaj a tadkandeer ale no maag olaa a suptooxa fo’oy,

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

Mbeeñil 16:3

Malaaka fa ƭikandeer fee a ɓaxa o mbeeƭ um kam o maag ole. Foofi le a suptooxa boo a nand nen a yal. Naaga, ke ñoowoogna kam o maag ole fop a nqona.

Mbeeñil 16:4

Malaaka fa ndadkandeer fee a ɓaxa o mbeeƭ um kam xa maag xa maas axe fo kam xa quluɓ axe, soo da suptoox fo’oy.