Mbeeñil 11:5 - NQAARIIT NE ROOG

⁵ Oxuu bugna o fañ a den, a fi a den paaxeer, xan fiɗel a sutoor no don den, a saŋkin. Oxuu bugna fi a den paaxeer sax oo, neene mat a waritkeel.

Mbeeñil 11:5 Referans Kwoze

Yeremi 5:14

Ten taxu keeke o Yaal oxe Roog fee Hupna fop a layu: «Feek keene nu layaa, fa lay es fee um ɓekaa no don of, wo Yeremi, xan a refat fiɗel, soo xeet fene a ndef xa cuuƭ axaa fiɗel leene a raaɓkaa.

Hoose 6:5

Ten taxu um xawit a den duleer es, warit a den fa lay fee na hataa no don es. Hate es a naaga dañ nen a qoolaand,

Esayi 11:4

O cofel rek a bugko hate’taa fo mboƭomsogor ne, soo rool we, ta ɓoxot a den wargal den. Fa lay um a faditkaa nen o loq o kiin balu-balu xe, too haaƭ um soom a saŋkitkaa o soxodu xe.

Sakari 2:8

A hebla faaga yee: «Ƴufi lay o koor oxe pokooxna o ƥaak o liiƥir ole yee: ‹Yeerusaleem, teeru fa njegee saŋe a refkaa, yaam wiin fagkatar we fo cegel cegee hap ke na ndefkaa a ndeer um.

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

A kim a tedu ke 18:8

Maaga, lanq ke a ngiiƈ-ngiiƈna, a yo’noox, a per ake na xa coong axe a send fa doole, da njayang-njayangin yaam fuux le no Yaal oxe.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Mbeeñil 9:17

No ga es, neeke mat ƴooktum pis ke fo ŋaaŋaay say den: Kaa saq’u toki celem kaa yaxgitna nen fiɗel, a nqiiyiiyit nen njan-ginaar, too a yaayit nen nqeen. A qoox ake no pis ke kaa nand’u nen a qoox njogoy, fiɗel fo fo suun fo nqeen a sutooraa no don den.

Mbeeñil 13:13

Ɓaanoor fa ƭikandeer feene kaa fi’oogu xa anddiloor xa maak: A fudnitiidooga fiɗel na asamaan, ta yeniid a lanq mbaambir a kid ake no wiin we.