Mbeeñil 11:3 - NQAARIIT NE ROOG

³ Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

Mbeeñil 11:3 Referans Kwoze

Mbeeñil 12:6

O tew oxaa koy a ƴufa kam a koƥ-a-ƥor alaa, maa Roog a jagandan’uuna, ndax ta ñoowaa maaga boo ñaal juni fo ñaal teemeed ƭik fo ñaal qarɓeen ɓetuu fa leng.

Mbeeñil 11:2

Fat o xaƴ o maax-tafil ole no Mbind Roog ne koy, ba o liiƥin, yaam kaa ci’el qeet ke ndefeerna Yaawuur, too xan a nduut teeru fa tedu fee boo a qool qarɓeen nahik fo a qool a ƭak.

Mbeeñil 13:5

Ɓaanoor koy, a ci’e o lay a ƭelem a ñexetu, ndax ta wentin a Roog. A ci’e sañ-sañ feene boo a qool qarɓeen nahik fo a qool a ƭak.

A cangatin ale 19:15

«Seede no kiin o leng soom deyee, ndax o kiin a doonel tig, yaa ta jambeena gaaf mbaat tooñ mbaat bakaad fuu waageena o fi. A waage o doon tig, yaa seede we a ndefna ɗik mbaat daduk.

A pi ake 13:31

No ñaal mayu a feeñooxooga we yoonoogna fo ten, a inooraa Galile, a ndetaa Yeerusaleem. Weene mat ndefatu seede um ndiiki paam xeet fee.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

YEGIL MBAAX NE YEESU ne Lik a bindtuuna 24:48

Seede nu ndefu no keene fop.

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Mberaand 37:34

Yakoob a dalfooxa o faar toki um, a deroox o saaku, soo a ñaawooxaa boo ñaal mayu.

2 Korint 13:1

Kaam ee: Xam dadkandiid o jaf es me nuun. A Pind a Tedu ke a laya yee: «Kuu ɗik mbaat daduk a seede’na, xan a xen.»

A pi ake 2:32

Yeesu feene, Roog xontooxnoorun, too in fop seede i ndefu itam.

YEGIL MBAAX NE YEESU ne Saŋ a bindtuuna 15:27

Nuun itam, xan nu seede’ankaam, yaam naa ferum calel, nuun wey fa mi.»

Mace 18:16

Kaa koy, a nan-gilooxangirang, jangi o kiin o leng mbaat wiin ɗik fa wo, ndax fop a xendandoox na fa lay no seede ɗik mbaat daduk.

A ƭomatax ake 2:10

Maak we Siyoŋ, o ndoog onqe, owe moofa a lanq, a naang muƥa. A yipooxa lanq no xoox, a nderoox xa saaku, soo mboƥ ndoog ne Yeerusaleem a lupandoox.

Ke bindeena no xe ne’eena YOB 16:15

Ɗiisaam o saaku, adnin no cer es, lup a tagid es a lanq.

1 Caloori ke 21:16

Dawid a yoɗa a kid um, soo a ga malaaka fee reeƭna ndeer took fa lanq a woos laƥ um, a jagin Yeerusaleem. Maaga, Dawid fo maak we nderoox’ina xa saaku a ndalfooxa o ngung a lanq.

A lim ale 11:26

A jeg’a no goor qarɓeen ɓetuu ɗik weene ɗik waa yoq’ina no saŋe naa, a mbañ o ndet no Ƭiif naa, o leng oxe Eldad a ne’’e, o lakas oxe a ne’el Medad. Yaqanee koy, Yiif le Roog a fudoox’a took den, too a njo’tanoogaan.

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

A pi ake 3:15

Neene, nu mbarnoora o Kelwaar oxe na ci’taa o ñoow, ndaa Roog a xontooxnooraan a ndeer no xon we. Ten o mat i seede’anaa.

Dañel 12:7

Maaga, o koor oxe rokooxna ndoki njoor, a yooroox foofi le no xuluɓ ole, a yoɗa o ɓay um o janoon farna fa asamaan, too nanaanum ta daaɓoortaa Oxe na ñoowaa boo faw ee: ‹Keene xan a xewaa boo xa kiid xa tadaq fa genwal, too yaa doole fee na xeet fa tedu fee a fagkaa, xan muukandoong ne no keene fop a gar.›

A cangatin ale 17:6

Oxe jambeena a waage war, yaa ɗik mbaat daduk a seede’na took um. Seede no kiin o leng soom koy deyee.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

Efees 4:11

O ten cooxu wiin we ci’it pogreer ke. Kaa ci leng we, da ndef apootar, wene, ta ci a den, da njo’tanan, waana waawaare Yegil mbaax ne mbaat gaynaak no gimu we mbaat jaajangin.

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

YEGIL MBAAX NE YEESU ne Saŋ a bindtuuna 3:27

Saŋ a doona a den ee: «O kiin waagee o jang colu muud fee ta daawitna na Roog.

2 Sami’el 3:31

Dawid a laya a Yowab fo we yoon’ina fo ten fop ee: «Mbaaryo toki nuun, nderoox xa saaku, ñaawoox a Abineer.» O maad Dawid fa xoox um a reefa jaat fee, a ñaaƴaa,

1 Maad we 21:27

Ye Ahab a nanna fa lay fee Eliya, a dalfooxa o faar tikoorik um, a deroox o saaku soo a ref no koor. O saaku leene a wondoortoogu sax, too a ñaaƈ ale ten kaa niid’atu.

2 Maad we 19:1

Yaa o maad Hiskiya a yegna kaaga, a dalfooxa o faar toki um, a deroox o saaku soo a ret no Mbind naa no Yaal oxe.

Nehemi 9:1

No ñaal qarɓeen ƭik fo ñaal nahkandeer ne no nqool o leng kut onqe, Ii-isra’el we a mbokatoora, a nderoox xa saaku, a yipoox lanq, ndax da ngoor.

A kim a tedu ke 69:11

Loolaam a lool boo torox, hoor, soo keene a wennooraam.

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

Heseki’el 4:6

O paangangaa a pe akeene, wondoorti o saax o ñamaak, too xan o gadoox tooñ ne no mbind Yudaa boo ñaal qarɓeen nahik. Mexe serang ñaal leng no hiid oluu refna.

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Dañel 8:14

A doonaan ee: ‹Keene xan a ref boo sadax nqes fo kirand cuni ƭik fo teemeed tadik. Cinj kaaga, xan o mbiñ o tedu nqe a xoolandel.› »

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

Yoona 3:5

A koom sax, we ngenna na teeru faaga fop, a ngimu na Roog. A lambna yee koor a wara o jeg. Oxuu refna, a xotit no wiin maak we boo no fo mboƭomsogor ne, a deroox o saaku, ndax ta lalit ee a ricooxa.

Yoona 3:8

Fat wiin we fo cegel ke a nderoox xa saaku. Fat oxuu refna a ƴufginoox a Roog, a fes a cinj a pesoorooƭ a paaxeer um fo a pi a yednu ke ta fi’taa xa ƥay um.

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

YEGIL MBAAX NE YEESU ne Lik a bindtuuna 10:13

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, a nderoox xa saaku, a moof no ndaw, ndax da lalit ee a ndicooxa.

Mbeeñil 11:6

Yaam seede ɗik weene a njega sañ-sañ faa da mbegitna asamaan fee, ndax a teƥ jegkatee no ñaal ke da mbugko o njo’tanaxam. A njega itam sañ-sañ faa da suptitna foofi fo’oy fa sañ-sañ faa da nqawitna adna fee fop xa ƭomel xa pagkatar a mbanuu ta felna a den.