Mbeeñil 11:2 - NQAARIIT NE ROOG

² Fat o xaƴ o maax-tafil ole no Mbind Roog ne koy, ba o liiƥin, yaam kaa ci’el qeet ke ndefeerna Yaawuur, too xan a nduut teeru fa tedu fee boo a qool qarɓeen nahik fo a qool a ƭak.

Mbeeñil 11:2 Referans Kwoze

Mbeeñil 12:6

O tew oxaa koy a ƴufa kam a koƥ-a-ƥor alaa, maa Roog a jagandan’uuna, ndax ta ñoowaa maaga boo ñaal juni fo ñaal teemeed ƭik fo ñaal qarɓeen ɓetuu fa leng.

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

Dañel 12:7

Maaga, o koor oxe rokooxna ndoki njoor, a yooroox foofi le no xuluɓ ole, a yoɗa o ɓay um o janoon farna fa asamaan, too nanaanum ta daaɓoortaa Oxe na ñoowaa boo faw ee: ‹Keene xan a xewaa boo xa kiid xa tadaq fa genwal, too yaa doole fee na xeet fa tedu fee a fagkaa, xan muukandoong ne no keene fop a gar.›

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

Mbeeñil 22:19

Oxuu watinna tig na fa lay fee no nduleer ne Roog bindeena no safe lene, xan Roog a watin a las um no ndaxar ne no ñoow ole fo na teeru fee layteena no safe lene.

Mace 27:53

Yaa Yeesu a xontooxna, a sutoora no poy kaa, a ndok kam teeru fa tedu faa, too a mbeeñooxa wiin mayu.

Mace 5:13

«Nuun ndefu fo jem ole na adna fee. Fo jem o mat, a jematangee, xar waagatu tax ta jem? Jiriiñatee tus a refangeerna a deɓel tafil, soo wiin we a ndakin.

Mace 4:5

Cinj kaaga, o ƈiƴ oxe a ɓisaan kam teeru fa maak fa tedu faa refna Yeerusaleem. A sipaan took Mbind Roog naa,

Dañel 8:10

A maaka boo a daaw a yaj ake na asamaan, a maafiid mayu na den a lanq, a yurdiid xa qoor xa mayu soo a dak a den.

Heseki’el 42:20

A liiƥa saŋe ne wid’ina Mbind ne na xa saax xa nahaq axe ten: O cigdel ole a reeƭa xa siind teemeed ƥetik soo o yaajel ole a ref xa siind teemeed ƥetik. Ten xaaj’u ke tedna fo ke tedeerna.

Mbeeñil 11:11

A cinj ye ñaal tadik keene fa genwal fee a mbaafna, yiif laa na ñoowdandaa a inoora na Roog, a rok na den. Den ɗik a inooxa, a ngeenoox, too we nga’na a den a ndiida diid maak.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

Dañel 7:19

Cinj kaaga, bug’aam o moƴ o and kaa farna na ɓaanoor fa nahkandeer fee jektir’ina fo ƥaanoor tadik lakas ke, a saɗarnoox bo, a saq a ñiiñ njelem fo paambaañ xanjar, a ñaamaa, a listaa ke ta damna soo a dakaa yoqatin ke.

A ƭomatax ake 1:10

O pañ oxe a doona o ɓay um no kalal ke ta jeg’ina fop. Yeerusaleem a ga’a qeet lakas ke a ndokiidaa no Mbind tedu ne, qeet keene xañit’oona da mbog no mbokatax ne wo.

Esayi 48:2

Nuun we na nqoyooxaa ‹We na teeru fa tedu fee›, nuun we ndamlooxna na Roog fee Isra’el, oxe gon um a refna ‹O Yaal oxe Hupna fop›, nan-gilooxyo boog kene:

A kim a tedu ke 79:1

A kim a tedu laa fogna na ke Asaf oo. Wo Roog, qeet lakas ke a mbañooxaniida saax le wo, a maasand Mbind tedu ne wo soo a mbi a Yeerusaleem juum kefatin.

A lim ale 14:34

Ne nu ngorooxitna saax le ñaal qarɓeen nahik, neene a qaw ale no njofaƭar nuun a dalitkaa took nuun boo xa kiid qarɓeen nahik, ñaal oo ñaal a fi o hiid. Neene, xan nu and ke o goƭ a nuun a ɗaxaa.

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Heseki’el 4:6

O paangangaa a pe akeene, wondoorti o saax o ñamaak, too xan o gadoox tooñ ne no mbind Yudaa boo ñaal qarɓeen nahik. Mexe serang ñaal leng no hiid oluu refna.

Dañel 8:13

Maaga, nanaam malaaka fa tedu faa na layaa. Fa lakas a laamtaan ee: ‹Ke feeñleena kaa bugko jegaa boo a mban? Boo a mban sadax ke ƥoxotoogeena bes fuu refna a njegkateeru? A paɗax a qoolaƭaru le kaa refkaa meen boo a mban? O mbiñ o tedu nqe fo a yaj ake na asamaan kaa mbugko nduuteel boo a mban?›

Dañel 8:14

A doonaan ee: ‹Keene xan a ref boo sadax nqes fo kirand cuni ƭik fo teemeed tadik. Cinj kaaga, xan o mbiñ o tedu nqe a xoolandel.› »

Mbeeñil 21:10

Yiif le Roog a gifaxam, too malaaka fee a ɓisaxam took o joong o maak o jigdu. Maaga, a lalaxam teeru fa tedu fee refna Yeerusaleem fee Roog a fudnitiid’ina na asamaan.