Mbeeñil 11:13 - NQAARIIT NE ROOG

¹³ Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.

Mbeeñil 11:13 Referans Kwoze

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

Mbeeñil 6:12

Cinj kaaga, ga’aam o Mbaal onqe a ñaƥtaa o ñaas ɓetuu fo lengandeer ole. Maaga, a jeg’a yo’nax lanq maak, njeeƈ ne a ɓalig ɗok nen ndoki ñaawoor, a qoor ale a yaxig coy nen fo’oy,

Yosuwe 7:19

Yosuwe a laya a Akaan ee: «O ƥees, ɓoxoti o Yaal oxe Roog fee Isra’el o ndam, niwin too layaam ke fi’oona, fañaam o ɗas dara.»

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

Mbeeñil 11:19

Maaga, Mbind Roog ne na asamaan a dalfooxa o wetoox, soo arka ne no ngiɓoor ne a feeñit kam fee. A jeg’a xa kiiñaand fo pangax fo ƭuuɗ fo a yo’nax lanq fo a teƥ a kalam a ƥuuɓu.

Mbeeñil 11:11

A cinj ye ñaal tadik keene fa genwal fee a mbaafna, yiif laa na ñoowdandaa a inoora na Roog, a rok na den. Den ɗik a inooxa, a ngeenoox, too we nga’na a den a ndiida diid maak.

Mbeeñil 8:5

Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Mbeeñil 19:7

Fat i mbelakinoox, too ƭaay! Kaam ee, fat i simatin, yaam ngulook ne no Mbaal onqe a fadiida, too o toog um a jagandooxa boo a ƴut.

1 Sami’el 6:5

Mbi’yo boog kaa samandaalna xa tul axe fo kaa lalitna ƈoox ke na yaqaa saax le, soo nu ƥoxot a Roog fee Isra’el o ndam. Neene, xeƈa toroxandkatee a nuun fa katil um, nuun fo roog ke nuun fo saax le nuun fop.

Mberaand 6:4

Na jamaane faaga, wiin fodu ne sabab a ndeeƭa took lanq ke. Ye xa ƥiy xa koor axe Roog a ngiligna xa ƥiy xa tew axe no wiin we boo a ndim fa den xa ƥiy, weene ndeeƭu a salma-koor ake yaa fa yaaga.

Mbeeñil 3:4

Kaa koy, leng-leng no we jegoona Sardes ƭuuñee cer den. Xan a ñaaƴaa fa mi, a ndokoox tikoorik tan, yaam njombee a den.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

Malaki 2:2

Nu nan-gilooxangee, nu njaɓangee o niw gon es fo xeeñ nuun fop, xam saloox a nuun soo saloox parke ke nu ndaawna. Ii, xam saloox a den, yaam nu niwiraam fo a qeeñ nuun fop.

Esayi 29:6

o Yaal oxe Hupna fop xan a muclitong ƭuuɗ fo yo’nax lanq fo fangax maak fo nqeñ fo a und a maak fo aal fiɗel laa na raaɓaa.

YEGIL MBAAX NE YEESU ne Saŋ a bindtuuna 9:24

Farisiya waa a ndakooxa o nqoy o koor oxe fuul’ina, soo a layin ee: «Waraa o ne’aa barke Roog, yaam i anda yee oxe wodandoonga o paabakaad oo.»