11 A cinj ye ñaal tadik keene fa genwal fee a mbaafna, yiif laa na ñoowdandaa a inoora na Roog, a rok na den. Den ɗik a inooxa, a ngeenoox, too we nga’na a den a ndiida diid maak.
Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.
No saax luu refna fo na xeet fuu refna fo no tim oluu refna fo na lak fuu refna xan wiin a ƭeetaa xa tal den boo ñaal tadik fa genwal, too taxkee da njaɓ o ƥoxot a den da ngaskel.
Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.
Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»
Na waxtu faaga, a jega a yo’nax lanq a cegu doole, too a qaaj xarɓaxayandeer ale na teeru faa a girdooxa. Wiin cuni ɓetuu ƭik a nqona na yo’nax alaaga no lanq ke. Lakas waa koy kaa ndiid’u boo a ƥoxotaa a Roog fee na asamaan o ndam.