Mbeeñil 10:9 - NQAARIIT NE ROOG

⁹ Naaga, retaam farna fa malaaka fee, too xeɗaanum ta cooxaam o njafe nqe. A doonaxam ee: «Am! Ƴaxeen! Xan a xaaɗ no soosoox of, ndaa xan a saf nen suum no don of.»

Mbeeñil 10:9 Referans Kwoze

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

Heseki’el 2:8

Wo fee o ƥiy no kiin o mat, nan-gilooxi ke um layang! Ba o ref o paafañ nen xeet fa mbaafañ feene! Yaƥati o don of, ñaam ke um cooxkang.»

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Ke bindeena no xe ne’eena YOB 23:12

Yapatiliim kebil ke ten, geek o bug es, reefaa ole ten.

Kolos 3:6

Keene o mat na taxaa fuux le Roog a dal took we nanaƭarna.

Mbeeñil 10:10

Xotaam o njafe nqe no ɓay ole na malaaka fee. Luuxaanum, too a safa nen suum no don es. Kaa koy, ye ɗuudanuuma, ñasiil’eem.