Mbeeñil 10:7 - NQAARIIT NE ROOG

⁷ Kaa koy, yaa malaaka ɓetuu fa ƭikandeer fee a luuƥkaa, xan yuuƥ kunpa’u ne Roog a fadnoox ne ta yegnit’uuna duleer we ten ndagooxooguuna yaaga.»

Mbeeñil 10:7 Referans Kwoze

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

A pi ake 3:21

Ndiiki koy, Yeesu a wara o moof na asamaan boo na jamaane faa Roog a xembandatinkaa fop, ne ta layit’uuna yaaga, a reefandin no duleer tedu we ten.

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

Mbeeñil 14:6

Cinj kaaga, ga’aam malaaka fa lakas faa na yetaa ndeer asamaan fee. Kaa saq’u Yegil mbaax naa faafkeerna muk, ndax ta yegnin we ngenna na adna fee, na xeet fuu refna fo no tim oluu refna fo na lak fuu refna fo no saax luu refna.

Mbeeñil 17:17

Roog kaa ɓek na qeeñ den da mbug o mbi ke ta fosooxna. Ten taxu da ƥoxotaa maat den a Ɓaanoor, boo yaa fa lay fee Roog a fadnooxkaa.