Mbeeñil 10:6 - NQAARIIT NE ROOG

⁶ A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!

Mbeeñil 10:6 Referans Kwoze

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

Mbeeñil 16:17

Malaaka ɓetuu fa ƭikandeer fee a ɓaxa o mbeeƭ um no nqeñ ne. Maaga, o ñuxur o maak a nannoorta no Mbind Roog ne, a inoor no gamb no maad le, a lay ee: «Waxtu fee a fada!»

Mbeeñil 4:9

A mbanuu pindel nahik keene ngimoogna a simataa, a niwaa too a ngidmaa oxe moofna no gamb no maad le, refna oxe na ñoowaa bo na moos boo moos,

Mberaand 14:22

Abram a doona o maad oxe Sodoom ee: «Mexey jooxaa o Yaal oxe Roog fee Took-ee-took sakna asamaan fo lanq:

A sutax ale 6:8

Xam rokin a nuun no saax le regtuuma, daaɓooxuuma o coox a Abraham fa Isaak fa Yakoob. Xam ci’in a nuun, nu njegkin. Mi yoo, mi o Yaal oxe.»

A sutax ale 20:11

yaam no ñaal ɓetuu fa leng sakum a asamaan fo lanq fo o maag ole fo fop ke refna teen, mi o Yaal oxe, soo ñootnoox no ñaal ɓetuu ƭikandeer ne. Ten taxu, mi o Yaal oxe, um barke bes fee na ñootnax ale, tedlandin.

A lim ale 14:30

Nu ndokkee muk no saax le daaɓoox’uuma yee xan nu ngen teen, bo ta yoqaa Kaleb fee o ƥiy Yefune fa Yosuwe fee o ƥiy Nun.

Heseki’el 20:5

Fat o lay a den ee: Keeke o Yaal oxe na refkaa boo faw a layu: A koom alaa jiluuma a Isra’el, daaɓooxaam fo mbind Yakoob, andnoox a den no saax laa Misira. Daaɓooxaam fa den fo o ɓay es took ee: Mi refu o Yaal oxe Roog nuun.

Dañel 12:7

Maaga, o koor oxe rokooxna ndoki njoor, a yooroox foofi le no xuluɓ ole, a yoɗa o ɓay um o janoon farna fa asamaan, too nanaanum ta daaɓoortaa Oxe na ñoowaa boo faw ee: ‹Keene xan a xewaa boo xa kiid xa tadaq fa genwal, too yaa doole fee na xeet fa tedu fee a fagkaa, xan muukandoong ne no keene fop a gar.›

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Mbeeñil 4:10

maak qarɓeen ƭik fo maak nahuk we a ndalfooxooga o ngooknoox mbaambir no xe moof’ina took gamb no maad le, a mbaɗooxaa oxe na ñoowaa bo na moos boo moos, a mbolaa fo ndip ne den mbaambir gamb no maad le, soo a layaa yee:

Mbeeñil 6:11

Roog a cooxa oxuu refna na den ndoki ndan, too a laya a den da ƥaat o ñootnoox o ndik, boo yaa fog gimu we den da yoontoogna no calel ke a soƥiidna a den, den we nar’eena o mbar itam nen a den.

Mbeeñil 12:12

Ten taxu, wo asamaan fo nuun we ngenna teen, mbelakinooxyo! Kaa koy, ndaw naqad took lanq ke fo o maag ole, yaam o ƈiƴ oxe a fudooxiida me nuun. Kaa fuux boo a buɓaa, yaam a anda yee jamaane um miñkatee.»

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.