Mbeeñil 10:5 - NQAARIIT NE ROOG

⁵ Maaga, malaaka fee ga’uuma ta geenoox no maag ole fo na jeeri fee a yoɗa o ɓay um o ñamaak farna fa asamaan.

Mbeeñil 10:5 Referans Kwoze

Dañel 12:7

Maaga, o koor oxe rokooxna ndoki njoor, a yooroox foofi le no xuluɓ ole, a yoɗa o ɓay um o janoon farna fa asamaan, too nanaanum ta daaɓoortaa Oxe na ñoowaa boo faw ee: ‹Keene xan a xewaa boo xa kiid xa tadaq fa genwal, too yaa doole fee na xeet fa tedu fee a fagkaa, xan muukandoong ne no keene fop a gar.›

A cangatin ale 32:40

Kaam letin o ɓay es farna fa asamaan soo daaɓoox ee: Ne ta wooritna yee mexe ñoowaa boo kili,

Mbeeñil 16:17

Malaaka ɓetuu fa ƭikandeer fee a ɓaxa o mbeeƭ um no nqeñ ne. Maaga, o ñuxur o maak a nannoorta no Mbind Roog ne, a inoor no gamb no maad le, a lay ee: «Waxtu fee a fada!»

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

Mbeeñil 10:2

A deegoox’a o njafe nqaa weteena. A doona a caf um a ñamaak no maag ole, a caf um a canoon, ta dakin na jeeri fee.

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

Mbeeñil 4:9

A mbanuu pindel nahik keene ngimoogna a simataa, a niwaa too a ngidmaa oxe moofna no gamb no maad le, refna oxe na ñoowaa bo na moos boo moos,

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Nehemi 9:6

Wo doŋ refu o Yaal oxe! Wo fi’u asamaan fee, asamaan fee took-ee-took fo katil ke ten fop, lanq ke fo ke refna teen fop, xa maag axe fo ke da mbofna fop. Wo na ñoownaa ke sakeena fop, too katil ke na asamaan mbaambir of a ngungaa.

A sutax ale 20:11

yaam no ñaal ɓetuu fa leng sakum a asamaan fo lanq fo o maag ole fo fop ke refna teen, mi o Yaal oxe, soo ñootnoox no ñaal ɓetuu ƭikandeer ne. Ten taxu, mi o Yaal oxe, um barke bes fee na ñootnax ale, tedlandin.

Mberaand 14:22

Abram a doona o maad oxe Sodoom ee: «Mexey jooxaa o Yaal oxe Roog fee Took-ee-took sakna asamaan fo lanq:

Hebre 6:13

Ye Roog a cooxaa a Abraham a tegit ale, a yoonandit’aan a taaƥ. Ne ta jeg’eerna o lakas oxaa hupuuna, too ta war’un o daaɓoox, a daaɓoorta a xoox um.

O leetar ole Pool a bindna GIMU WE NGENNA ROM 1:20

Naa adna a sake, ke waagaandeena o ga na Roog, refna katil mbaafkeer ne ten fo ke ta refna, a mbeeña no ke ta sakna. Meene o mat, wiin we a mbaagu o andit a den. Ten taxu boog, mbaagkaand o mbaasan,

A pi ake 17:23

Yaam ye xaañuuma kam teeru nuun, horooxaam xa paɗoorand axe nuun, too ga’aam teen o faɗoorand olaa bindeena yee: ‹Roog fee i andeerna jegun.› Ke nu mbaɗooxaa, too nu andiran koy, um yegnaa a nuun.

Heseki’el 20:5

Fat o lay a den ee: Keeke o Yaal oxe na refkaa boo faw a layu: A koom alaa jiluuma a Isra’el, daaɓooxaam fo mbind Yakoob, andnoox a den no saax laa Misira. Daaɓooxaam fa den fo o ɓay es took ee: Mi refu o Yaal oxe Roog nuun.

A kim a tedu ke 146:5

Ndaw o ɗaay no xe ƈufig um a refna Roog fee Yakoob, yaakaar um a ref no Yaal oxe Roog um,

A sutax ale 6:8

Xam rokin a nuun no saax le regtuuma, daaɓooxuuma o coox a Abraham fa Isaak fa Yakoob. Xam ci’in a nuun, nu njegkin. Mi yoo, mi o Yaal oxe.»

Heseki’el 47:14

Xan nu lasrin ne daaɓoorit’anuuma o ɓay es took ee xam ci’in daan nuun. Xan nu njegik saax lene, oxuu refna fo a las um ta ref mbaafaap nuun.

Heseki’el 36:7

Ten taxu keeke layum, mi o Yaal oxe na refkaa boo faw: Daaɓooxaam fo o ɓay es took ee: Qeet ke mbidna a nuun xan a ngadoox den fa qoox den a ben ake den.

Heseki’el 20:42

Xan nu and ee mi refu o Yaal oxe, yaa um nomtiidkaa a nuun no fiisel ole Isra’el, kam saax le daaɓoox’uuma fo o ɓay es took ee xam ci’in daan nuun.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 20:23

Kam a koƥ-a-ƥor ale, mi o mat daaɓoox’u fa den fo o ɓay es took ee xam pasar a den a ndeer qeet ke, picit a den na saax a pogreer,

Heseki’el 20:15

Kam a koƥ-a-ƥor ale, mi o mat daaɓoox’u fa den fo o ɓay es took ee ɗoxkiim a den no saax le ci’uuma a den, saax laa fo sis fo suum a ndaxritaa, le moƴna o mos na saax ake fop,