Mbeeñil 10:4 - NQAARIIT NE ROOG

⁴ Ye ƭuuɗ ɓetuu ƭik ke a mbangooxna, bug’aam o bind, ndaa nanaam na asamaan o ñuxur olaa layaxama yee: «Dami ke ƭuuɗ ɓetuu ƭik ke a layna rek, too fañ o bind.»

Mbeeñil 10:4 Referans Kwoze

Dañel 12:4

Wo Dañel, ɗasni yegnit neene, too wegit safe lene o ñaasir boo yaa jamaane fee no muukandoong ne a fadiidna. A koom, xan wiin mayu a njangin, too xan o and den a ɓaatoox.»

Dañel 8:26

Ke layee’oona no mbeeñil ne, ta jagin no sadax ke kirand fo nqes, ndigil kak oo. Kaa koy, tiimtafuleen, yaam bo ta fadnooxaa xan a miñ.›

Dañel 12:9

A doonaxam ee: ‹Wo Dañel, reti na jam, yaam fa lay feene xan a ɗasnel, a ref kunpa boo na jamaane faa no muukandoong naa.

Mbeeñil 22:10

Cinj kaaga, Yeesu a layaxam itam ee: «Ba o ɗasin muk fa lay fee no nduleer ne Roog bindeena no safe lene, yaam waxtu fee keene a hapaneena fop a matiida.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Esayi 29:11

Peeñil ke fop kaa ndef na nuun nen xa ƭelem no safe wegte o ñaasir laa cooxeena o cangu, a layel ee: «Jangi kene boog!», soo ta doon ee: «Waaginum, yaam kaa wegel.»

Esayi 8:16

Humni o laxas seede leene, geekin, soo wegit a cangin aleene o ñaasir a ndeer daalbe es.

Esayi 8:1

O Yaal oxe a layaxam ee: «Jangi a alfa maak, o bind took fee a pind a qoolu yee: ‹Maheer saalaal haas bas› tekitna ‹Caɓe ke, ñofandooxi, yaq fee a matiida›.

Mbeeñil 1:19

Bindi boog ke ga’oona, ta ref ke na xewaa ndiiki fo ke na xewkaa.

Mbeeñil 10:8

Cinj kaaga, o ñuxur ole nan’uuma na asamaan a layahinaxam ee: «Reti xot o njafe nqe weteena no ɓay ole na malaaka fee geenooxna no maag ole fo na jeeri fee.»