Mbeeñil 10:3 - NQAARIIT NE ROOG

³ Naaga, a falalooxa a maak nen njogoy naa na bumbaa. Ye ta falalooxna, ƭuuɗ ɓetuu ƭik ke a mbangooxa, a njaaɓanin.

Mbeeñil 10:3 Referans Kwoze

Esayi 31:4

Keeke o Yaal oxe a layaxam: «Ne njogoy mbaat o njogoy o njanglax a ŋuurtaa, ndax ta xoxit mbuufuɗag um na yaj no gaynaak waa inooxanuuna too naagee o diidaa xa buuq axe den, mbaat ta firiɓ yaam fangax le den, neene a refitkaa na mi fee o Yaal oxe Hupna fop, yaa um fudooxkaa took o joong ole Siyoŋ fo took ƴoong le ten, ndax um xire’it maaga.»

Mbeeñil 4:5

Xa kiiñ fo fangax fo ƭuuɗ a sutoortooga no gamb no maad le. Xa cam ɓetaa ƭaq a ngeƥand’e mbaambir gamb no maad le. Xa cam axeene ndeeƭu a yiif ɓetaa ƭaq ake Roog.

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Mbeeñil 15:1

Cinj kaaga, ga’aam na asamaan o anddiloor o lakas o maak o jom’andtu: Malaaka ɓetuu ƭik a ndeeƭu, a saq taamaala ɓetuu ƭik. Taamaala keene mbalak’u yaam na den fuux le Roog a dayu.

Mbeeñil 14:2

Nanaam o ñuxur olaa inoorna na asamaan, a jibtaa nen poofi maak kaa na nqawraa, a fangoortaa nen ƭuuɗ maak. O ñuxur ole nanuuma kaa nandtoogu itam nen o ñuxur no riiriiti waa na nqilimbaa.

Mbeeñil 8:5

Cinj kaaga, malaaka fee a janga o njaq onqe, a naqit fiɗel no sadaxand ole, a yipin teen bo ta may, soo a deɓin a lanq. Naaga, a jeg’a ƭuuɗ fo fangax fo xa kiiñaand fo a yo’nax lanq.

Amos 3:8

Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

Yeremi 25:30

O Yaal oxe a layahinaxam ee: «Yegnanaam a den a ƭelem akeene fop soo ɓaat teen ee: ‹O Yaal oxe xe bumbtaa maaga took-ee-took, o ñuxur um a fangoortaa no ngenand tedu ne ten. Oxe bumbanaa o suufnand um, ne we na nduutaa xa tim ndaxar biiñ no nirand a njibnitaa xa buuq, neene a wuuqantaa fop we ngenna na adna fee.

Esayi 42:13

O Yaal oxe xe ɓeriidaa nen a salma-koor, a fapooxan a ñoq ale nen o qiixire soo a jibin o wuuq xire o jegu doole, a maaf fañ um.

Esayi 5:29

Kaa mbumbtaa nen njogoy ƥasil, a ŋuuraa nen njogoy njanglax naa pokooxna mbuufuɗag um, a ɓisan, too o leng saɗee gar, a suqtin no ten.

Xa peƭit axe 19:12

Fuux no maad kaa nand nen o bumb njogoy, yirmande um o mat a nand nen liim took daaƭ.

Mbeeñil 15:7

Leng no pindel nahik kaa a cooxa malaaka ɓetuu ƭik kaa fo mbeeƭ ɓetuu ƭik wurus naa mayna muut fo fuux le Roog fa ñoow jok fee na refkaa boo faw.

A kim a tedu ke 29:3

O ñuxur no Yaal oxe xe jibtaa took poofi, Roog fee jegna o ndam na fangnaa ƭuuɗ. O Yaal oxe xe took poofi cegu doole ke.

Heseki’el 10:5

Fangax le na nafir ake no pindel yeeyetax ke a nannooxa boo no maax-tafil olaa, a nandtaa o ñuxur ole Roog o Yaal katil yaa ta jibaa.

Hoose 11:10

«Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.