Mbeeñil 10:11 - NQAARIIT NE ROOG

¹¹ Maaga, layeem ee: «Warahinaa o jo’tanaa a Roog farna fo a saax a mayu fo qeet mayu fo lak mayu fo maad mayu.»

Mbeeñil 10:11 Referans Kwoze

Heseki’el 37:4

Maaga, a layaxam ee: «Jo’tanaam xa kiiƈ axene! Fat o lay a den ee: Nuun xa kiiƈ xa beeru korong axe, nan-gilooxyo fa lay fee no Yaal oxe!

Mbeeñil 17:15

Malaaka fee a layahinaxam ee: «Poofi ke ga’oona, a caga le a moof paam den, a saax fo a paan no wiin fo qeet fo lak a ndefu.

Mbeeñil 14:6

Cinj kaaga, ga’aam malaaka fa lakas faa na yetaa ndeer asamaan fee. Kaa saq’u Yegil mbaax naa faafkeerna muk, ndax ta yegnin we ngenna na adna fee, na xeet fuu refna fo no tim oluu refna fo na lak fuu refna fo no saax luu refna.

Mbeeñil 11:9

No saax luu refna fo na xeet fuu refna fo no tim oluu refna fo na lak fuu refna xan wiin a ƭeetaa xa tal den boo ñaal tadik fa genwal, too taxkee da njaɓ o ƥoxot a den da ngaskel.

Heseki’el 37:9

Maaga, a layaxam ee: «Jo’tanaam Yiif› le, wo fee o ƥiy no kiin, kaam ee jo’tanaam! Fat o lay Yiif le yee: Keeke o Yaal oxe na refkaa boo faw a layu: Wo Yiif le, inoortiidi no qeñ nahik ke, wuuɗ took xon wene ndax da ñoowatin!»

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Mbeeñil 10:10

Xotaam o njafe nqe no ɓay ole na malaaka fee. Luuxaanum, too a safa nen suum no don es. Kaa koy, ye ɗuudanuuma, ñasiil’eem.

Mbeeñil 11:1

Cooxeem o siind o liiƥir olaa na nandtaa o samb, too layel ee: «Reti liiƥ Mbind Roog ne fo o sadaxand ole, too lim we na mbaɗoortaa teen fop.

Mbeeñil 17:10

Ɓetuk na den a saaya. No we yoqna koy, o leng oxe xe maadaa, o lakas oxe mat garafulee, too a garangaa sax oo, miñkee meen.

Mbeeñil 17:12

Xa can xarɓaxay axe ga’oona, maad xarɓaxay waa ƥoxotafulaandeena maat den a ndefu. Kaa koy, xan a ci’el sañ-sañ faa da maadoorna fa Ɓaanoor boo waxtu fa leng soom.

Yeremi 25:13

Xam fudin took saax leene fop ke layuuma no ten, fop ke bindeena no safe lene, padafuleer ke Yeremi a yegnitna took qeet ke fop.