Mbeeñil 10:1 - NQAARIIT NE ROOG

¹ Ga’aam malaaka fa njegu doole fa lakas a fudoortiidaa na asamaan, a huloox eel, soo a ñang-ee-ñang a yooroox xoox um. Mukit um kaa meleƈoogu nen njeeƈ, a caf um a miric-miricnaa nen aal fiɗel.

Mbeeñil 10:1 Referans Kwoze

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Mbeeñil 5:2

Maaga, ga’aam malaaka njegu doole naa falalooxoogna a maak ee: «An jombeeru o ñaƥit xa ñaas axe, soo a dorit a kayit ale boog?»

Dañel 10:6

Cer um kaa teleloogu nen ɓil jafeñu laa ne’eena kirisolit, mukit um a meleƈaa nen o hiiñaand, a kid um a miric-miricnaa nen ƈulfaan fiɗel, xa ƥay um fo a caf um a telelaa nen xanjar faa ɓodaxneena, soo o ñuxur um a fangoortaa nen combol no faan maak.

Mbeeñil 4:3

Meleƈ um kaa nandtoogu nen meleƈ ɓil jafeñu hoƥu laa ne’eena yaspe fo nen ɓil jafeñu yaxgu laa ne’eena sarduwaan. Gamb no maad leene koy, a ñang-ee-ñang alaa nandtoogna ɓil jafeñu hoƥu laa ne’eena emerood wid’un o kurul-keƥ.

Mbeeñil 8:13

Ga’aam too nanaam a canjiik alaa na yetaa na asamaan, a layaa a maak ee: «Sabab! Sabab! Ndaw sabab took we ngenna no lanq ke yaa a luuƥ ake no malaaka tadik lakas ke a njibkaa!»

A kim a tedu ke 104:3

sip ngenand of took poofi ke took-ee-took. A eel ake ndefu a sareet of, o ñaaƴaa took a nafir ake no nqeñ ne.

A kim a tedu ke 97:2

Eel fo o niɓaan kaa mbidin, uum-maamaad um a diƈoox no cofel fo na ƭat.

Mbeeñil 1:7

«Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!

A pi ake 26:13

O maad Agiripa, no njoloor o mbuc koy, a jopir um ref na ƭat, ga’aam a qoolaand alaa inoortiidna na asamaan. A qoolaand alaaga koy, meleƈ um hup’u meleƈ ne no njeeƈ ne. Kaa miric-miricnoogu paam es fo paam we yoonit’uuma na ñaaƈ ale.

YEGIL MBAAX NE YEESU ne Lik a bindtuuna 21:27

Maaga, xan a nga o Ƥeenqe no kiin oxe a garaa took eel, a yoon fa katil fo o ndam o maak.

Dañel 7:13

Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.

A ƭomatax ake 3:44

Kaa o muuroox eel, boo a tax a qeƭ ake in mbaagee mbadiid me wo.

Esayi 54:9

Xan a ref na mi xaye nen jamaane faa Nowe. Ne daaɓoorit’uuma yee saŋkitkatiim adna fee o jaɓ, mexe daaɓoortan neen ee fuuxankatiroong too ŋalkatiroong itam.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

A kim ale na kim ake 5:15

A caf ake ten kaa ndef a toodook marbar akaa ndiƈooxna na caf wurus fa nqoolu, o mem um a nand fa Libaŋ, ta jektoox nen taxar seedar ke.

A paɗax ale 16:2

«Maƭooxi a Aaroon fee o maag of ee ba ta rokaa kam o Mbiñ onqe moƴna o ted a mbanuu feluuna, a xaañ mbaƴ ne fegteena o ten, a gar mbaambir o afnir-o-fortand ole refna took arka ne. A fi’angaan, xan a xon, yaa um feeñooxkaa kam eel le yoorooxna o afnir-o-fortand ole.

A sutax ale 16:10

Ye Aaroon a maadna o layaa fo Ii-isra’el we, den fop a mbiƈaqilooxa farna fa koƥ-a-ƥor alaa, too o ndam onqe no Yaal oxe a feeña kam eel le.

Mbeeñil 18:1

Cinj kaaga, ga’aam malaaka fa lakas a fudoortiidaa na asamaan. A jega sañ-sañ fa maak, too a qoolaand ale inoor’ina no ndam um a xooland’a adna fee fop.

Mbeeñil 18:21

Maaga, malaaka fa mayu katil a janga ɓil laa fodirna fo uu-un bele, a deɓin kam o maag ole, a lay ee: «Neene o mat, Babilon, teeru fa maak fee a riimitkaa fa doole, too o leng doonkatiran a ngid boo muk.

Mbeeñil 20:1

Yaa kaaga a faafna, ga’aam malaaka fa maak a fudoortiidaa na asamaan, a saq no ɓay um xa caafu xe na ngas fiɗel ale fo a njeen a maak.