Mbeeñil 1:9 - NQAARIIT NE ROOG

⁹ Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

Mbeeñil 1:9 Referans Kwoze

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Mbeeñil 1:2

Keeke refu ke Saŋ a woorinna: Fop ke ga’uuma fa lay Roog oo fa seede Yeesu Kiristaa.

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

Filip 4:14

Kaa koy, nu mbi’a paax, ye nu nqaajirna o lorax es.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

O leetar ole Pool a bindna GIMU WE NGENNA ROM 8:25

Mee ndax boo i yaakaaraa ke i nga’eerna, kaa i cungtan o muñ.

Mbeeñil 14:12

Ten taxu we mbogna na Roog, a ngeek kebil um, a ngim na Yeesu, a mbara o lalit o saƭkel.

Hebre 10:36

Kaa nu mbar o saƭik kañ, ndax nu mbadin o bug ole Roog soo mbaag o ndaaw ke ta regitna,

Filip 1:7

Xalaat es na nuun fop, nuun we mbogna na yirmande fee daawuuma, keene cofu yoo, yaam kaa nu ndef no xeeñ es, ta ref um ɓekel kaso mbaat yaa um xoxtaa, saƭkandaa Yegil mbaax ne.

Mbeeñil 11:7

A yegnitangaa nduleer den boo a ƈut, xan Ɓaanoor fee na sutoorkaa na ngas fiɗel ale a song a den, a maaf a den, soo a war a den.

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

Mbeeñil 6:9

Cinj kaaga, o Mbaal onqe a ñaƥta o ñaas o ɓetkandeer ole. Maaga, ga’aam yoora o sadaxand ole xa laaw axe no we mbar’eena yaam ne da yegnitoogna fa lay fee Roog fo ke da seede’anoogna a Yeesu no cofel.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

2 Tesalonik 3:5

Yaasam o Yaal oxe a ɗox a qeeñ nuun, nu mbex a Roog, too njeg o muñ ole na inooraa na Kiristaa.

Mace 20:23

Yeesu a doonahina a den ee: «Xan nu yer o kaas coono le mi kañ, ndaa no ke farna no moof na ñamaak es fo na janoon es, kaaga hapooxee na mi, ndaa we Faap fee a jagandanuuna, xan a ndaawin.»

Mark 10:39

A layaan ee: «Ii, i mbaagaan.» Maaga, Yeesu a doona a den ee: «Ndigil oo kañ ee xan nu yer o kaas ole waruuma o yer, too xan nu mbatiise’el batiise fee waruuma o daaw.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

2 Korint 1:7

Yaakaar ne i njegna na nuun koy oxe koŋ a saƭik, yaam i anda yee ne nu njegitna a las no coono ke in, neene nu njegtu a las na yaalax ale in itam.

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

Mbeeñil 1:1

Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Mbeeñil 1:6

Kaa fi a in saasadax no maat um, ndax i ndagoox a Roog Faap um. Yaasam ta ɓoxotel o ndam fo ngelfa bo na moos boo moos! Amiini.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.